close
Choose your channels

உதயநிதியுடன் இணையும் பாப்புலர் ஹீரோ

Wednesday, January 13, 2016 • தமிழ் Comments

திருக்குமரன் இயக்கத்தில் உதயநிதி ஸ்டாலின் நடித்து முடித்துள்ள 'கெத்து' திரைப்படம் நாளை ரிலீஸ் ஆகவுள்ளது. இந்நிலையில் உதயநிதி அடுத்ததாக 'என்றென்றும் புன்னகை' இயக்குனர் ஏ.கே.அஹ்மத் இயக்கத்தில் 'ஜாலி எல்.எல்.பி என்ற பாலிவுட் படத்தின் ரீமேக்கில் நடித்து வருகிறார். இந்த படத்தில் உதயநிதியுடன் மீண்டும் ஹன்சிகா இணையவுள்ளதாக கூறப்படுகிறது.

இந்நிலையில் 'வெண்ணிலா கபடிக்குழு', அழகர்சாமியின் குதிரை, பாண்டியநாடு, பாயும் புலி உள்ளிட்ட படங்களை இயக்கிய இயக்குனர் சுசீந்திரன் இயக்கத்தில் உதயநிதி ஸ்டாலின் ஒரு படத்தில் நடிக்கவுள்ளதாகவும், இந்த படத்தை உதயநிதியின் 'ரெட் ஜெயண்ட் மூவீஸ் நிறுவனம் தயாரிக்கவுள்ளதாகவும் கூறப்படுகிறது.

மேலும் இந்த படம் இரண்டு நண்பர்கள் குறித்த கதை என்றும் உதயநிதியின் நண்பராக இன்னொரு பாப்புலர் ஹீரோ இணையவுள்ளதாகவும், அந்த ஹீரோ யார் என்பது ஒருசில நாட்களில் அறிவிப்பு வெளிவரும் என்றும் கூறப்படுகிறது. இந்த படத்திற்கு டி.இமான் இசையமைக்கவுள்ளதாகவும், மதி ஒளிப்பதிவு செய்யவுள்ளதாகவும் தகவல்கள் வெளிவந்துள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz