’போர் தொழில்’ என்ற திரைப்படத்தை இயக்கிய இயக்குநரின் அடுத்த படத்தின் பூஜை நடைபெற்றுள்ளதை அடுத்து படப்பிடிப்பும் தொடங்கியுள்ளதாக தகவல் வெளியாகியுள்ளது.

கடந்த 2023 ஆம் ஆண்டு வெளியான ’போர் தொழில்’ திரைப்படத்தின் மூலம் விக்னேஷ் ராஜா என்ற இயக்குநர் அறிமுகமானார். இந்த படம் மிகப்பெரிய வெற்றி பெற்று 50 கோடி ரூபாய் வசூல் செய்தது.

இந்த நிலையில், ’போர் தொழில்’ படத்தின் வெற்றியை அடுத்து, அவர் தனது இரண்டாவது படத்தை தற்போது தொடங்கியுள்ளார். இந்த படத்தை அவர் இயக்கவில்லை என்றாலும் கதை திரைக்கதையை எழுதியுள்ளார். மேலும் இந்த படத்தை கார்த்திக் ராமகிருஷ்ணன் இயக்கவிருக்கிறார்.

இந்த படத்தின் நாயகனாக அசோக் செல்வன் தேர்வு செய்யப்பட்டுள்ளார். மேலும், நாயகியாக ப்ரீத்தி முகுந்தா நடிக்க உள்ளார். இவர் ஏற்கனவே கவின் நடித்த ’ஸ்டார்’ திரைப்படத்தில் நாயகியாக நடித்தவர். தற்போது தெலுங்கில் ’கண்ணப்பா’ உட்பட சில படங்களில் நடித்துக் கொண்டிருக்கிறார்.

இந்த படம் அசோக் செல்வனின் 23வது படமாக அமைய உள்ள நிலையில் அவருக்கு மீண்டும் ஒரு வெற்றி படம் அவருக்கு காத்திருக்கிறது என்று எதிர்பார்க்கப்படுகிறது. மேலும், இந்த திரைப்படத்தை ’ ஓ மை கடவுளே’ தயாரித்த அபிநயா செல்வம் தயாரிக்கிறார்.