close
Choose your channels

బ్లాక్ బ‌స్ట‌ర్ ఫార్ములాతో ప్ర‌భాస్‌

Saturday, April 4, 2020 • తెలుగు Comments

బ్లాక్ బ‌స్ట‌ర్ ఫార్ములాతో ప్ర‌భాస్‌

యంగ్ రెబ‌ల్ స్టార్ ప్ర‌భాస్ త‌న 20 వ సినిమాను ఎప్పుడెప్పుడు పూర్తి చేద్దామా? అని ఎదురు చూస్తున్నాడు. పూజా హెగ్డే హీరోయిన్‌గా న‌టిస్తోన్న ఈ పీరియాడిక‌ల్ మూవీ గురించి ఆస‌క్తిక‌ర‌మైన విష‌య‌మొక‌టి సోష‌ల్ మీడియాలో చ‌క్క‌ర్లు కొడుతుంది. ఈ సినిమా తెలుగు బ్లాక్ బ‌స్ట‌ర్ ఫార్ములా అయిన పున‌ర్జ‌న్మ‌ల నేప‌థ్యంలో తెర‌కెక్కుతుంద‌ట‌. అందులో భాగంగా ప్ర‌భాస్ యంగ్ లుక్‌తో పాటు ముస‌లివాడి లుక్‌లోనూ క‌న‌ప‌డ‌తాడ‌ని అంటున్నారు. ఒక‌ప్పుడు నాగేశ్వ‌ర‌రావు నుండి రామ్‌చ‌ర‌ణ్ మ‌గ‌ధీర వ‌ర‌కు పున‌ర్జ‌న్మ‌ల కాన్సెప్ట్‌తోనే విజ‌యం సాధించారు. మ‌రి ప్ర‌భాస్ కూడా బ్లాక్ బ‌స్ట‌ర్ ఫార్ములాతో స‌క్సెస్ అందుకుంటాడేమో చూడాలి.

ప్ర‌భాస్ త‌న 20వ సినిమానేమో త్వ‌ర‌త్వ‌ర‌గా పూర్తి చేద్దామంటే.. క‌రోనా వైర‌స్ పెద్ద ప్ర‌భావ‌మే చూప‌డంతో సినిమా షూటింగ్‌ను ఆపారు. అయితే ముఖ్య‌మైన జార్జియా షెడ్యూల్‌ను పూర్తి చేసుకున్నారు. ఇప్పుడు ఇటలీలో చిత్రీక‌రించాల్సిన పార్ట్‌ను అన్న‌పూర్ణ భారీ సెట్‌లో పూర్తి చేయ‌డానికి స‌న్నాహాలు చేస్తున్నారు. ఈ సినిమాను ఈ ఏడాది ద‌స‌రాకు విడుద‌ల చేయాల‌నుకున్నారు. మ‌రి కోవిడ్ 19ప్ర‌భావంతో విడుద‌ల వెన‌క్కి వెళ్లేలానే క‌న‌ప‌డుతుంది.

Get Breaking News Alerts From IndiaGlitz