'సాహో' గురించి ప్రభాస్ ఏమ‌న్నారంటే..
- IndiaGlitz, [Wednesday,April 18 2018]
యంగ్ రెబల్ స్టార్ ప్రభాస్, బాలీవుడ్ బ్యూటీ శ్రద్ధా కపూర్ జంటగా నటిస్తున్న చిత్రం ‘సాహో’. తెలుగుతో పాటు హిందీ, త‌మిళ భాష‌ల్లో రూపొందుతున్న ఈ చిత్రానికి యంగ్ డైరక్ట‌ర్ సుజిత్ దర్శకత్వం వ‌హిస్తున్నారు. ప్రస్తుతం అబుధాబిలో ఈ సినిమాకి సంబంధించిన యాక్షన్ సీన్స్‌ను చిత్రీకరిస్తున్నారు. చిత్ర క‌థానాయ‌కుడు ప్రభాస్ ఈ సినిమాకి సంబంధించిన కొన్ని ఆస‌క్తిక‌ర‌మైన విష‌యాల‌ను ఓ మీడియాతో పంచుకున్నారు.
చక్కటి కథ, కథనంతో ఎక్కడా రాజీ పడకుండా దర్శకుడు ఈ సినిమాని తెరకెక్కిస్తున్నారనీ.. దీనికి కళ్ళు చెదిరే గ్రాఫిక్స్ కూడా తోడవడంతో ప్రేక్షకులు విజువల్‌గా హ్యాపీగా ఫీల్ అవుతారని ఆయ‌న చెప్పుకొచ్చారు. ఇక.. యాక్షన్ సీన్స్ అయితే చాలా ఉత్కంఠ‌కు గురిచేసేలా ఉంటాయని ఆయ‌న తెలిపారు. ప్ర‌ముఖ నిర్మాణ సంస్థ యు.వి క్రియేషన్స్ ప్ర‌తిష్ఠాత్మ‌కంగా నిర్మిస్తున్న ఈ చిత్రానికి సంబంధించిన హిందీ రైట్స్‌ను తాజాగా టి-సిరీస్ సంస్థ కొనుగోలు చేసింది.