close
Choose your channels

అంచనాలకు భిన్నంగా ప్రభాస్

Monday, March 16, 2020 • తెలుగు Comments

అంచనాలకు భిన్నంగా ప్రభాస్

బాహుబలితో నేషనల్ స్టార్‌గా ఎదిగిన ప్ర‌భాస్‌..సాహోతో ఓకే అనిపించుకున్నాడు. అయితే బాహుబ‌లితో వ‌చ్చిన క్రేజ్‌ను ఇప్పుడు రాధాకృష్ణ‌తో చేస్తున్న సినిమా ద్వారా క‌వ‌ర్ చేసుకోవాల‌ని అనుకుంటున్నాడు. అందుకు త‌గిన‌ట్లుగా సినిమాను తెలుగు, త‌మిళ‌, హిందీ భాష‌ల్లో భారీగానే తెరకెక్కిస్తున్నారు. పూజా హెగ్డే బాలీవుడ్ ప్రేక్ష‌కుల‌కు సుప‌రిచితురాలుగా ఉండ‌టం కూడా ప్ర‌భాస్ అండ్ టీమ్‌కు క‌లిసొస్తుంది. అయితే దీని త‌ర్వాత మ‌హాన‌టి వంటి సెన్సేష‌న‌ల్ హిట్ అందుకున్న ద‌ర్శ‌కుడు నాగ్ అశ్విన్‌తో సినిమా చేయ‌బోతున్నాడు ప్ర‌శాస్‌.

ఈ సినిమాను అనౌన్స్ చేసిన‌ప్ప‌టి నుండి ఈ సినిమా గురించి ప‌లు వార్త‌లు విన‌ప‌డుతున్నాయి. అందుకు త‌గిన‌ట్లు నాగ్ అశ్విన్ కూడా సినిమా అంద‌రూ ఊహించిన దాని కంటే ఓ మెట్టు పైనే ఉంటుంద‌ని అనుకున్నారు. ఈ సినిమాలో హీరోయిన్స్‌గా క‌త్రినా కైఫ్‌, దీపికా ప‌దుకొనే పేర్లు ప్ర‌ముఖంగా విన‌ప‌డ్డాయి. అయితే ప్ర‌భాస్‌, నాగ్ అశ్విన్ మాత్రం అందుకు భిన్నంగా వెళ్లాల‌నుకుంటున్నార‌ట‌. స‌మాచారం మేర‌కు ఓ కొత్త హీరోయిన్‌ను ఈ సినిమాలో తీసుకోవాల‌ని అనుకుంటున్న‌ట్లు టాక్. ట్రావెల్ మిష‌న్ త‌ర‌హా క‌థ‌తో వ‌చ్చిన ఆదిత్య 369 స్టైల్లోనే ఈ సినిమా ఉండ‌బోతుంద‌ని అంటున్నారు. ఈ ఏడాది న‌వంబ‌ర్ లేదా డిసెంబ‌ర్‌లో సినిమాను షూటింగ్‌ను స్టార్ట్ చేసి వ‌చ్చేఏడాది చివ‌ర‌లో సినిమాను విడుద‌ల చేసేలా ప్లాన్ చేసుకున్నార‌ట‌.

Get Breaking News Alerts From IndiaGlitz