ప్రభాస్ న్యూ ప్లాన్స్
- IndiaGlitz, [Tuesday,February 28 2017]
బాహుబ‌లి ది బిగినింగ్‌, ది కంక్లూజ‌న్‌తో దాదాపు రెండుమూడేళ్లు బిజీగా ఉన్న ప్రభాస్ ఇప్పుడు మ‌రోసారి క‌మ‌ర్షియ‌ల్ గాలిని పీల్చుకుంటున్నారు. ఆయ‌న న‌టిస్తున్న 19వ సినిమా షూటింగ్ మొద‌ల‌యింది. ర‌న్ రాజా ర‌న్ ఫేమ్ సుజిత్ హీరోగా ఈ సినిమా తెర‌కెక్కుతోంది. మామూలుగా సినిమా అన‌గానే ముందు పూజా కార్య‌క్ర‌మాల‌ను నిర్వ‌హించి ఆ త‌ర్వాత షూటింగ్ చేస్తారు. ఆ ఫీడ్‌లోనుంచే టీజ‌ర్‌ను క‌ట్ చేస్తారు. అయితే సుజిత్ ఈ సారి ప్రభాస్ కోసం స‌రికొత్త ప్ర‌ణాళిక‌ను సిద్ధం చేస్తున్నారు.
ముందు టీజ‌ర్ కోసం షూటింగ్ చేస్తున్నారు. యువీ క్రియేష‌న్స్ నిర్మిస్తున్న సినిమా ఇది. బాహుబ‌లి ది కంక్లూజ‌న్ విడుద‌ల‌య్యే అన్ని థియేట‌ర్ల‌లోనూ ఈ టీజ‌ర్‌ను విడుదల చేయ‌డానికి సన్నాహాలు చేస్తున్నారు. సినిమా షూటింగ్ మొద‌లుకాక‌ముందే ఈ త‌ర‌హా టీజ‌ర్‌ను విడుదల చేయ‌డం తెలుగులో ఇదే మొద‌టిసారి అవుతుంది.