పెళ్లి గురించి పెదనాన్నకి ప్రామీస్ చేసిన ప్రభాస్...
- IndiaGlitz, [Wednesday,January 20 2016]
యంగ్ రెబ‌ల్ స్టార్ ప్రభాస్ న‌టిస్తున్న తాజా చిత్రం బాహుబ‌లి 2. ద‌ర్శ‌క‌థీర రాజ‌మౌళి తెర‌కెక్కిస్తున్న బాహుబ‌లి 2 ప్ర‌స్తుతం కేర‌ళ‌లో షూటింగ్ జ‌రుపుకుంటుంది. ఇదిలా ఉంటే...ప్రభాస్ బాహుబ‌లి సినిమాకి ముందు బాహుబ‌లి రిలీజ్ త‌ర్వాత పెళ్లి చేసుకుంటాను అన్నారు. బాహుబ‌లి రిలీజ్ అయ్యింది కానీ ప్రభాస్ మాత్రం పెళ్లి చేసుకోలేదు.
ఇదే విష‌యం గురించి...ప్రభాస్ పెద నాన్న క్రిష్ణంరాజు ని అడిగితే...ఈ సంక్రాంతి సంద‌ర్భంగా ప్రభాస్ పెళ్లి గురించి నాకు ఓ ప్రామీస్ చేసాడు. అదేమిటంటే...ఈ సంవ‌త్స‌రంలో ఖ‌చ్చితంగా పెళ్లి చేసుకుంటాను అని చెప్పాడు. ఇక అమ్మాయిని చూడ‌డం ఒక‌టే మిగిలింది అన్నారు. అంతా బాగానే ఉంది ఇంత‌కీ ప్రేమ వివాహామా..? పెద్ద‌లు కుద‌ర్చిన వివాహామా అంటే ..ప్రభాస్ మ‌న‌సుకి న‌చ్చిన అమ్మాయి అంటూ తెలివిగా స‌మాధానం ఇచ్చారు రెబ‌ల్ స్టార్. మ‌రి...ప్రభాస్ ఎలాంటి పెళ్లి చేసుకుంటాడ‌నేది తెలియాలంటే మ‌రికొన్ని రోజులు ఆగాల్సిందే.