close
Choose your channels

ప్రభాస్ ద్విపాత్రాభినయం..?

Wednesday, July 15, 2020 • తెలుగు Comments

ప్రభాస్ ద్విపాత్రాభినయం..?

యంగ్ రెబ‌ల్‌స్టార్ ప్ర‌భాస్ ప్ర‌స్తుతం త‌న 20 సినిమా ‘రాధేశ్యామ్’ను పూర్తి చేసే ప‌నిలో బిజీగా ఉన్నాడు. అదే స‌మ‌యంలో త‌న 21వ సినిమాను నాగ్ అశ్విన్ ద‌ర్శ‌క‌త్వంలో వైజ‌యంతీ మూవీస్ బ్యాన‌ర్‌పై సినిమా చేయ‌డానికి రెడీ అయ్యాడు. అంతా స‌జావుగానే సాగుతున్న‌స‌మ‌యంలో క‌రోనా వైర‌స్ ప్ర‌భావంతో ప్ర‌భాస్ ‘రాధేశ్యామ్’సినిమా షూటింగ్ ఆగింది. దీన్ని పూర్తి చేసిన తర్వాతే వైజయంతీ మూవీస్ బ్యానర్‌పై నాగ్ అశ్విన్ దర్శకత్వంలో సినిమాను ప్రభాస్ చేయాలనుకుంటున్నాడు. భారీ సైన్సు ఫిక్షనల్ మూవీగా తెరకెక్కబోతున్న ఈ చిత్రంలో ప్రభాస్ ద్విపాత్రాభినయం చేస్తున్నాడట.

రెండు విభిన్నమైన కాలాల్లో ఒకేసారి జరిగే కథగా దీన్ని నాగ్ అశ్విన్ తయారు చేశాడట. ఈ రెండు కాలాల్లో ప్రభాస్ వేర్వేరు గెటప్స్‌తో కనపడబోతున్నాడన్నమాట. అంటే ప్రభాస్ ద్విపాత్రాభినయం చేస్తున్నట్లేగా. ఈ రెండు పాత్రలను ఎలా కలుసుకున్నాయి? ఎందుకు కలుసుకున్నాయనేదే సినిమా అని వార్తలు వినిపిస్తున్నాయి. మరి ఈ రెండు పాత్రలకు ఇద్దరు హీరోయిన్లు ఉంటారా లేదా? అని తెలియాల్సి ఉంది. అలాగే ఇప్పటికే దీపికా పదుకొనెను హీరోయిన్‌గా నటింప చేయడానికి చర్చలు జరుగుతున్నాయని టాక్.

Get Breaking News Alerts From IndiaGlitz