ప్ర‌తిష్టాత్మ‌క‌మైన 74వ గోల్డ‌న్ గ్లోబ్ అవార్డ్స్ లో ప్ర‌కాష్ రాజ్ మూవీ..!
- IndiaGlitz, [Saturday,October 08 2016]
విల‌క్ష‌ణ న‌టుడు ప్ర‌కాష్ రాజ్, శ్రియా రెడ్డి, అశోక్ సెల్వ‌న్ ప్ర‌ధాన పాత్రలో రూపొందిన త‌మిళ చిత్రం సిల స‌మ్యిన్గిల్ల్. ఈ చిత్రాన్ని జాతీయ అవార్డు గ్ర‌హీత ప్రియ‌ద‌ర్శ‌న్ తెర‌కెక్కించారు. ఈ చిత్రం ప్ర‌స్టేజియ‌స్ గ్లోల్డ‌న్ గ్లోబ్ అవార్డ్స్ కు సెలెక్ట్ కావ‌డం ఓ విశేషం అయితే...10 ఇంట‌ర్నేష‌న‌ల్ ఫిల్మ్స్ లో ఇండియా నుంచి ప్ర‌కాష్ రాజ్ నటించిన సిల స‌మ్యిన్గిల్ల్ చిత్రం ఒక్క‌టే సెలెక్ట్ కావ‌డం మ‌రో విశేషం.
ఈనెల 6న ఈ చిత్రాన్ని లాస్ ఏంజిల్స్ లో ప్ర‌ద‌ర్శించారు. అనంత‌రం క్రిటిక్స్ & గోల్డ‌న్ గ్లోబ్ అవార్డ్ క‌మిటి మెంబ‌ర్స్ మంచి చిత్రాన్ని అందించినందుకు ప్ర‌కాష్ రాజ్ & ప్రియ‌ద‌ర్శ‌న్ ను అభినందించారు. ఈ స్ర్కీనింగ్ కి ప్ర‌కాష్ రాజ్, డైరెక్ట‌ర్ ప్రియ‌ద‌ర్శిన్ హాజ‌ర‌య్యారు. అంత‌ర్జాతీయంగా అభినంద‌నులు అందుకున్న ఈ చిత్రాన్ని విజ‌య్ & గ‌ణేష్ సంయుక్తంగా నిర్మించారు. ఇదిలా ఉంటే...ప్ర‌కాష్ రాజ్ నటించిన తెర‌కెక్కించిన తాజా చిత్రం మ‌న ఊరి రామాయ‌ణం. తెలుగు, క‌న్న‌డలో రూపొందిన మ‌న ఊరి రామాయ‌ణం చిత్రానికి ఓవ‌ర్ సీస్ లో సైతం పాజిటివ్ టాక్ రావ‌డంతో ఆనందం వ్య‌క్తం చేస్తూ టీమ్ కు థ్యాంక్స్ తెలియ‌చేసారు ప్ర‌కాష్ రాజ్..!