'கேம் ஓவர்' இயக்குனரின் அடுத்த படத்தில் சமந்தா? ஹீரோ யார் தெரியுமா?
- IndiaGlitz, [Thursday,February 20 2020]
நடிகை டாப்ஸி நடிப்பில் அஸ்வின் சரவணன் இயக்கத்தில் கடந்த ஆண்டு வெளியான திரைப்படம் ’கேம் ஓவர்’ இந்த திரைப்படம் நல்ல வரவேற்பை பெற்றதை அடுத்து தற்போது இயக்குனர் அஸ்வின் சரவணன் இயக்கவுள்ள அடுத்த படம் குறித்த தகவல் வெளிவந்துள்ளது.
அஸ்வின் சரவணன் இயக்கவுள்ள அடுத்த படம் சஸ்பென்ஸ் மற்றும் த்ரில்லர் கதை அம்சத்துடன் உருவாக இருப்பதாகவும் இந்த படத்தில் பிரசன்னா ஹீரோவாக நடிக்க இருப்பதாக கூறப்படுகிறது. மேலும் இந்த படத்தின் முக்கிய கேரக்டரில் சமந்தா நடிக்க பேச்சுவார்த்தை நடைபெற்று வருவதாகவும் சமந்தா நடிப்பது உறுதி செய்யப்பட்டால் பிரசன்னா மற்றும் சமந்தா முதல் முறையாக இணைந்து நடிக்க உள்ளனர் என்பதும் குறிப்பிடத்தக்கது.
தமிழ் மற்றும் தெலுங்கு ஆகிய இரண்டு மொழிகளில் இந்த படம் உருவாக இருப்பதாகவும் இந்த படத்தின் அதிகாரபூர்வ அறிவிப்பு விரைவில் வெளியாகும் என்று கூறப்படுகிறது. ஏற்கனவே விஜய்சேதுபதி நயன்தாரா நடிப்பில் விக்னேஷ் சிவன் இயக்கத்தில் உருவாகவுள்ள ‘காத்து வாக்குல ரெண்டு காதல் என்ற படத்தில் முக்கிய வேடத்தில் சமந்தா நடிக்கவுள்ளார் என்பது குறிப்பிடத்தக்கது. இதுபோக நடிகை சமந்தா ஒரு வெப்சீரிஸ் ஒன்றிலும் நடித்து வருகிறார் என்பது தெரிந்ததே.