இந்தியாவில் இதுவரை 28 பேருக்கு கொரோனா பாதிப்பு இருப்பதை சுகாதார துறை அமைச்சர் ஹர்ஷவர்தன் உறுதிப் படுத்தி இருந்தார். இதன் எதிரொலியாக, பிரதமர் நரேந்திர மோடி தனது டிவிட்டர் பக்கத்தில் ஹோலி பண்டிகை கொண்டாடப் போவதில்லை எனத் தற்போது தெரிவித்து இருக்கிறார்.

பிரதமர் மோடி தனது டிவிட்டர் பக்கத்தில் “உலகம் முழுவதும் கொரோனா பரவலை அடுத்து மக்கள் ஒன்றாகக் கூடுவதைத் தடுக்க வேண்டும் என அறிஞர்கள் கூறியுள்ளனர். எனவே இந்தாண்டு ஹோலி பண்டிகையில் கலந்து கொள்ளப் போவதில்லை” எனப் பதிவிட்டுள்ளார். 

முன்னதாகப் பிரமதர் கொரோனா பற்றி எதுவும் பேசாமல் சமூக ஊடகங்களில் இருந்து விலகுவதைப் பற்றி பேசி வருகிறார் என காங்கிரஸ் கட்சியின் மூத்த தலைவரும் எம்.பியுமான ராகுல் காந்தி தனது டிவிட்டர் பக்கத்தில் சாடியிருந்தார். இந்நிலையில் பிரதமரின் கொரோனா பற்றிய அறிவிப்பு வெளியாகி இருக்கிறது. 

இந்துக்களின் பெரிய பண்டிகையான ஹோலி பங்குனி மாதத்தின் கடைசி பௌர்ணமி நாளில் கொண்டாடப்படுகிறது. இப்பண்டிகை மார்ச் 10 அல்லது 11 ஆம் தேதிகளில் கொண்டாடப் பட இருப்பதால் பிரதமர் மக்கள் ஒன்றாகக் கூடுவதைத் தவிர்க்க இப்படி செய்ய விருப்பதாகப் பலர் கருத்துத் தெரிவித்து வருகின்றனர் என்பதும் குறிப்பிடத் தக்கது. 

Experts across the world have advised to reduce mass gatherings to avoid the spread of COVID-19 Novel Coronavirus. Hence, this year I have decided not to participate in any Holi Milan programme.

— Narendra Modi (@narendramodi) March 4, 2020