'நீ ஒரு மோசமான டீன் ஏஜ் பாய்': காதலர் பிறந்த நாளில் பிரியா பவானிசங்கரின் பதிவு!
- IndiaGlitz, [Friday,January 28 2022]
தமிழ் திரையுலகின் பிரபல நடிகை பிரியா பவானி சங்கர் பத்து வருடமாக ஒரு இளைஞரை காதலித்து வரும் நிலையில் தனது காதலரின் பிறந்த நாளை அடுத்து ’நீ ஒரு மோசமான டீன் ஏஜ் பாய்’ என பதிவு செய்து வாழ்த்து தெரிவித்துள்ளார்.
தமிழ் திரையுலகின் முன்னணி நடிகையான பிரியா பவானி சங்கர் ராஜவேல் என்பவரை கடந்த பத்து வருடங்களுக்கும் மேலாக காதலித்து வருகிறார். அவ்வப்போது தனது சமூக வலைத்தளத்தில் தனது காதலரின் புகைப்படங்களை பதிவு செய்து வரும் பிரியா பவானி சங்கர், தனது காதலரின் பிறந்த நாளை அடுத்து அவர் தனது இன்ஸ்டாகிராமில் தனது காதலருக்கு பிறந்தநாள் வாழ்த்து கூறி பதிவு செய்துள்ளார்.
’நீ ஒரு மோசமான டீன் ஏஜ் பையனில் இருந்து ஒரு அற்புதமான மனிதராக மாறி இருப்பதை நான் பார்த்து வருகிறேன். நான் மிகவும் அதிர்ஷ்டசாலி. எப்பொழுதும் புன்னகை, சாகசங்கள், அன்பு, நட்பு, ஆசீர்வாதம், அமைதி, ஆரோக்கியம் என அனைத்தும் உனக்கு கிடைக்க வாழ்த்துகிறேன்’ என்று பதிவு செய்துள்ளார். மேலும் இந்த புகைப்படம் உனக்கு பிடிக்காது என்று தெரியும், அதனால் தான் இதை நான் பதிவு செய்துள்ளேன் என்றும் பின் குறிப்பாக பிரியா பவானி சங்கர் தெரிவித்துள்ளார். பிரியா பவானி சங்கரின் இந்த பதிவு தற்போது வைரலாகி வருகிறது.