சினிமா விமர்சனம் குறித்த விவாதம் நீயா நானா நிகழ்ச்சியில் கடந்த வாரம் ஒளிபரப்பான நிலையில், தயாரிப்பாளர் தனஞ்ஜெயன் இது குறித்து கூறிய போது, "சினிமா விமர்சனம் செய்வதற்கு யூடியூபர்கள் பலர் பணம் கேட்கின்றனர் என்பது உண்மைதான் என்று கூறியுள்ளார்.

மேலும் இதுகுறித்து அவர் கூறியபோது, ‘சிறிய பட்ஜெட் படங்களை யாரும் விமர்சனம் செய்வதில்லை, ஏனென்றால் அதற்கு பெரிய அளவில் வியூஸ் வராது. எனவே, பெரிய பட்ஜெட் படங்களை மட்டும் பார்த்து விமர்சனம் செய்கிறார்கள். விமர்சனம் செய்யும் முன் அவர்கள் தயாரிப்பாளர்களிடம் பணத்தை எதிர்பார்க்கிறார்கள்," என்று தெரிவித்துள்ளார்.

"15,000 ரூபாய் முதல் 25000 ரூபாய் வரை பல யூடியூபர்கள் திரைப்படத்தை விமர்சனம் செய்ய பணம் கேட்கிறார்கள் என்றும், சின்ன பட்ஜெட் படங்களை காசு வாங்கிக்கொண்டு புகழ்கிறார்கள். பெரிய பட்ஜெட் படத்திற்கு பணம் தரவில்லை என்றால் போட்டுத் தாக்குகிறார்கள். சினிமாவுக்கு அவர்கள் துரோகம் செய்கிறார்கள்," என்று தெரிவித்தார்.

படங்களை விமர்சனம் செய்து பெரிய யூடியூபராக வளர்பவர்கள் அதே சினிமாவுக்கு நேர்மையான விமர்சனத்தை கொடுப்பதில்லை என்று அவர் ஆதங்கத்துடன் தெரிவித்துள்ளது பரபரப்பை ஏற்படுத்தி உள்ளது.