తెలంగాణ ప్రభుత్వానికి ధన్యవాదాలు తెలియచేసిన పివిపి
- IndiaGlitz, [Thursday,May 19 2016]
మహేష్ హీరోగా శ్రీకాంత్ అడ్డాల దర్శకత్వంలో రూపొందిన చిత్రం బ్రహ్మోత్సవం. ఈ చిత్రాన్ని పి.వి.పి సంస్థ నిర్మించింది. కుటుంబాలన్నీ కలిసి ఉండటం వల్ల కలిగే కుటుంబ విలువలు, మన సంస్కృతిని తెలియజేసే చిత్రమే ఈ బ్రహ్మోత్సవం. ఇటువంటి సినిమా ఆవశ్యకతను గుర్తించి పివిపి కోరిక మేర ప్రత్యేక షోలు ప్రదర్శించేందుకు తెలంగాణ ప్రభుత్వం అనుమ‌తి ఇచ్చింది.
ఈ సంద‌ర్భంగా చిత్ర నిర్మాత పివిపి స్పందిస్తూ... కుటుంబ సభ్యులందరూ ఈ వేసవిలో ఈ చిత్రాన్ని చూసే అవకాశాన్ని తెలంగాణ ప్రభుత్వం క‌ల్పించింది. అందుకు మహేష్ బాబు ఫ్యాన్స్ తరపున, పివిపి సినిమా నిర్మాణ సంస్థ తరపున తెలంగాణ ముఖ్యమంత్రి గౌరవనీయులు శ్రీ కె.చంద్రశేఖర్ రావుగారు, తెలంగాణ సినిమాటోగ్రఫీ మంత్రి వర్యులు శ్రీ తలసాని శ్రీనివాస్ యాదవ్ గారు, తెలంగాణ ప్రభుత్వ ప్రిన్సిపల్ సెక్రటరీ శ్రీ రాజీవ్ త్రివేదిగారికి ధన్యవాదాలు చేస్తున్నాం అన్నారు.