'குவீனை' பட்டர்பிளையாக மாற்றிய கமல் நண்பர்
- IndiaGlitz, [Monday,April 17 2017]
பாலிவுட்டில் கங்கனா ரனாவத் நடித்த சூப்பர் ஹிட் படமான 'குவீன்' படம் தமிழ் உள்பட தென்னிந்திய மொழிகளில் ரீமேக் ஆகவுள்ளதாகவும், தமிழில் கங்கனா நடித்த கேரக்டரில் தமன்னா நடிக்கவுள்ளதாகவும் சமீபத்தில் செய்தி வெளிவந்தது.
தமிழில் 'குவீன்' ரீமேக் குறித்த தகவல் இன்னும் உறுதி செய்யப்படாத நிலையில் இந்த படம் தற்போது கன்னடத்தில் தயாரிக்கவிருப்பது உறுதி செய்யபப்ட்டுள்ளது.
குவீன்' படத்தின் கன்னட ரீமேக் படத்திற்கு 'பட்டர்பிளை' என்ற டைட்டில் வைக்கப்பட்டுள்ளதாகவும் இந்த படத்தில் கங்கனா வேடத்தில் பரூல் யாதவ் முக்கிய கேரக்டரில் நடிக்கவுள்ளதாகவும் தகவல்கள் வெளிவந்துள்ளது. இவர் ஏற்கனவே கடந்த 2004ஆம் ஆண்டு தனுஷ் நடித்த 'ட்ரீம்ஸ்' படத்தில் நடித்துள்ளார் என்பது குறிப்பிடத்தக்கது.
மேலும் இந்த படத்தை கமல்ஹாசனின் நண்பரும், கமல்ஹாசன் நடித்த 'உத்தமவில்லன்' படத்தின் இயக்குனருமான ரமேஷ் அரவிந்த் இயக்கவுள்ளதாகவும் கூறப்படுகிறது. இதுகுறித்த அதிகாரபூர்வ அறிவிப்பு இன்னும் ஓரிரு நாட்களில் வெளிவரும் என்று எதிர்பார்க்கப்படுகிறது.