కేథరిన్ బాటలో రాశి ఖన్నా
- IndiaGlitz, [Friday,September 15 2017]
ఆగ‌స్టు 11, 2017.. ఈ తేది గ్లామ‌ర్ హీరోయిన్ కేథరిన్ ట్రెసాకి ప్ర‌త్యేకం. ఎందుకంటే.. ఆ రోజున కేథరిన్ కి సంబంధించిన రెండు తెలుగు సినిమాలు విడుద‌లయ్యాయి. ఆ రెండు చిత్రాలే నేనే రాజు నేనే మంత్రి, జయజానకి నాయ‌క. నేనే రాజు నేనే మంత్రిలో ఇద్ద‌రు క‌థానాయిక‌ల‌లో ఒక‌రిగా న‌టిస్తే.. జయజానకి నాయ‌క‌లో ప్ర‌త్యేక గీతంలో మెరిసింది కేథరిన్. వీటిలో నేనే రాజు నేనే మంత్రి హిట్ చిత్రంగా నిలిచింది. జయజానకి నాయ‌క కి హిట్ టాక్ వ‌చ్చినా.. బ‌డ్జెట్ ఫెయిల్యూర్‌గా నిలిచింది.
క‌ట్ చేస్తే.. ఇప్పుడు కేథరిన్ బాట‌లోనే మ‌రో ముద్దుగుమ్మ ఒకే రోజు రెండు సినిమాల‌తో సంద‌డి చేయ‌నుంది. ఆమె మ‌రెవ‌రో కాదు.. ఊహ‌లు గుస‌గుస‌లాడేతో కుర్ర‌కారుని క‌ట్టిప‌డేసిన రాశి ఖన్నా. ఈ ముద్దుగుమ్మ న‌టించిన ఆక్సిజ‌న్ అక్టోబర్ 12న విడుద‌ల కానుండ‌గా.. ప్ర‌త్యేక గీతం చేసిన రాజా ది గ్రేట్ కూడా అదే రోజున రిలీజ్ కానుంది. మ‌రి ఈ రెండు చిత్రాలు రాశికి ఎలాంటి గుర్తింపు తీసుకువ‌స్తాయో తెలియాలంటే అప్ప‌టివ‌ర‌కు వెయిట్ చేయ‌క త‌ప్ప‌దు.