close
Choose your channels

ஓடிடியில் ராகவா லாரன்ஸின் அடுத்த படம்: அதிகாரபூர்வ அறிவிப்பு

Monday, June 29, 2020 • தமிழ் Comments

தமிழகம் உள்பட இந்தியா முழுவதும் கொரோனா வைரஸ் காரணமாக ஊரடங்கு பிறப்பிக்கப்பட்டுள்ள காரணத்தினால் கடந்த மூன்று மாதங்களுக்கும் மேலாக திரையரங்குகள் திறக்கப்படவில்லை என்பதும் படப்பிடிப்புகள் ரத்து செய்யப்பட்டுள்ளது என்பதும் குறிப்பிடத்தக்கது.

இந்த நிலையில் கொரனோ வைரஸ் காரணமாக திரையரங்குகள் மூடப்பட்டிருந்ததால் ரிலீசுக்கு தயாராக இருக்கும் சில படங்கள் ஓடிடி பிளாட்பாரத்தில் ரிலீசாகின்றன. தமிழில் ’பொன்மகள்வந்தாள்’ ’பெண்குயின்’ ஆகிய திரைப்படங்கள் ஓடிடியில் ரிலீஸ் ஆன நிலையில் பாலிவுட் உட்பட பல மொழிகளிலும் பல முன்னணி நடிகர் நடிகைகளின் திரைப்படங்கள் ஒடிடி பிளாட்பாரத்தில் ரிலீஸ் ஆயின என்பது குறிப்பிடத்தக்கது.

இந்த நிலையில் ராகவா லாரன்ஸ் இயக்கத்தில் அக்ஷய்குமார் நடிப்பில் உருவாகி வந்த ’லட்சுமி பாம்’ என்ற திரைப்படம் ஓடிடியில் வெளியாக இருப்பதாக தற்போது அதிகாரப்பூர்வமாக அறிவிக்கப்பட்டுள்ளது. இதுகுறித்து ராகவா லாரன்ஸ் தனது சமூக வலைதளத்தில் ‘லட்சுமி பாம்’ படத்தின் முதல் நாள் முதல் காட்சியை நீங்கள் வீட்டில் இருந்து சந்தோசமாக கண்டு களியுங்கள் என்று கூறி இந்த திரைப்படம் விரைவில் ஹாட்ஸ்டாரில் வெளியாக உள்ளதாக குறிப்பிட்டுள்ளார்.

அக்ஷய்குமார், கைரா அத்வானி உள்பட பலர் நடித்துள்ள இந்த திரைப்படம் தமிழில் வெளியான ’காஞ்சனா’ திரை படத்தின் இந்தி ரீமேக் என்பது குறிப்பிடத்தக்கது. முன்னணி நடிகர்களின் படங்களே ஓடிடியில் ரிலீஸ் ஆவதால் தியேட்டர் அதிபர்கள் கலக்கத்தில் உள்ளதாக கூறப்படுகிறது.

Get Breaking News Alerts From IndiaGlitz