close
Choose your channels

இதுதான் எங்க தலைவர், குருவே சரணம்: ரஜினி குறித்து ராகவா லாரன்ஸ்

Friday, September 18, 2020 • தமிழ் Comments

மும்பையைச் சேர்ந்த ரசிகர் ஒருவர் தான் கொரோனாவால் பாதிக்கப்பட்டு இருப்பதாகவும் இனி பிழைக்க மாட்டோம் என்று நினைத்து அவர் ரஜினிக்கு பதிவு செய்த டுவிட்டில், ‘தலைவா எனது இறுதி ஆசை. 2021 தேர்தலில் வெற்றிப்பெற்று தமிழக மக்களுக்கு மிகச்சிறந்த தலைவனாகவும் ஆன்மீக குருவாகவும் வீர நடைபோட்டு அடித்தட்டு மக்களின் தனிநபர் வருமானம் 25,000 ரூபாய் என்ற நிலையை உருவாக்கிக் கொடுங்கள். உன்னை அரியணையில் ஏற்ற விடாமல் போகிறேனே என்ற ஒரே வருத்தம் தான் எனக்கு உள்ளது என்று கூறியிருந்தார்.

இந்த டுவிட்டுக்கு பதிலளித்த ரஜினிகாந்த் ’உங்களுக்கு ஒன்றும் ஆகாது, தைரியமாக இருங்கள். உங்களுக்காக நான் பிரார்த்தனை செய்கிறேன். நலமுடன் வீடு திரும்பியவுடன் எனது வீட்டிற்கு வாருங்கள்’ என்று ஆடியோ மூலம் கூறியிருந்தார்.

ரசிகருக்கு ஆறுதல் கூறும் வகையில் ரஜினிகாந்த் வெளியீட்டை இந்த ஆடியோ சமூக வலைதளங்களில் பெரும் பரபரப்பை ஏற்படுத்திய நிலையில் இந்த ஆடியோவை நடிகர் ராகவா லாரன்ஸ் தனது டுவிட்டரில் பதிவு செய்து ரஜினிக்கு வாழ்த்துக்களும் பாராட்டுக்களும் தெரிவித்துள்ளார். அவர் கூறியதாவது:

இதுதான் எங்கள் தலைவர். தலைவரின் ஆடியோவை கேட்கும்போதே பாசிட்டிவான எண்ணத்தையும் பாசத்தையும் ஊட்டுகிறது. இதைக் கேட்ட அந்த ரசிகர் அதனை எப்படி உணர்ந்திருப்பார் என்று கற்பனை செய்து பாருங்கள். லவ் யூ தலைவா! குருவே சரணம்’ என்று பூரிப்போடு தனது டுவிட்டர் பக்கத்தில் பதிவு செய்துள்ளார். ராகவா லாரன்சின் இந்த டுவீட் தற்போது வைரலாகி வருகிறது.

Get Breaking News Alerts From IndiaGlitz