நீ உயிரோட இருக்கணும்ன்னா இந்த உடையை எரிக்கணும்: 'சிண்ட்ரெல்லா' டிரைலர்
- IndiaGlitz, [Wednesday,September 08 2021]
தமிழ் சினிமா உள்பட உலக சினிமாவில் பேய் பலவிதமான ரூபத்தில் பேய் வரும் என்பதை பார்த்து இருக்கிறோம். அந்த வகையில் விரைவில் வெளியாக கூடிய ராய்லட்சுமி நடித்த ‘சிண்ட்ரெல்லா’ என்ற படத்தில் ஒரு ஆடை வடிவத்தில் பேய் வருகிறது.
ஒரு பஜாரில் மிகவும் ஆசைப்பட்டு சிண்ட்ரெல்லாவின் உடையை வாங்கும் ராய்லட்சுமி அதன்பின் அந்த ஆடையால் ஏற்படும் பிரச்சினைகள், அந்த ஆடையின் பழிவாங்கல்கள், கொலைகள் ஆகியவை தான் இந்த படத்தின் கதை என்பது தெரிகிறது.
இந்த படத்தின் டிரைலர் சற்றுமுன் வெளியாகி உள்ள நிலையில் இந்த ட்ரெய்லரின் வீடியோ வைரலாகி வருகிறது என்பது குறிப்பிடத்தக்கது. வினோ வெங்கடேசன் என்பவர் இயக்கத்தில் உருவாகியுள்ள இந்த படத்தில் ராய்லட்சுமி, பிக்பாஸ் சாக்சி அகர்வால் உள்பட பலர் நடித்துள்ளனர்.
அஸ்வமித்ரா என்பவர் இசையமைத்துள்ள இந்த படம் வரும் 24ஆம் தேதி வெளியாக இருப்பதாக அறிவிக்கப்பட்டுள்ளது. திகில் கதையம்சம் கொண்ட இந்த பேய் படம், பேய் பட ரசிகர்களை திருப்தி செய்யுமா? என்பதை பொறுத்திருந்து பார்ப்போம்.