close
Choose your channels

బాలీవుడ్ రీమేక్‌లో రాజ్ త‌రుణ్‌

Wednesday, May 13, 2020 • తెలుగు Comments

బాలీవుడ్ రీమేక్‌లో రాజ్ త‌రుణ్‌

ఉయ్యాలా జంపాలా చిత్రంతో హీరోగా కెరీర్‌ను స్టార్ట్ చేసిన రాజ్‌త‌రుణ్ తర్వాత మంచి విజయాలను దక్కించుకుని హీరోగా తనకంటూ ఓ గుర్తింపును సంపాదించుకున్నారు. అయితే ఈ మ‌ధ్య కాలంలో ఈ యంగ్ హీరోకు ఆశించిన స్థాయిలో స‌క్సెస్‌లు మాత్రం ద‌క్క‌డం లేదు. విజ‌య్ కుమార్ కొండా ద‌ర్శ‌క‌త్వంలో ఒరేయ్ బుజ్జిగా సినిమాలో హీరోగా న‌టించాడు. ఈ సినిమాతో అయినా స‌క్సెస్ అందుకుని ట్రాక్‌లోకి రావాల‌ని ఎదురుచూస్తున్న త‌రుణంలో క‌రోనా వైర‌స్ ప్ర‌భావంతో సినిమా విడుద‌ల తాత్కాలికంగా ఆగింది.

ఇప్పుడు ఒరేయ్ బుజ్జిగా సినిమా కోసం రాజ్ త‌రుణ్ ఆస‌క్తిగా ఎదురుచూస్తున్నాడు. అదే క్ర‌మంలో త‌న త‌దుప‌రి సినిమాల‌ను లైన్‌లో పెట్టుకుంటున్నాడు. ప్ర‌స్తుతం రాజ్ త‌రుణ్ చేతిలో రెండు సినిమాలు సిద్ధంగా ఉన్నాయి. అందులో ఒక‌టి గ‌విరెడ్డి శ్రీనివాస్ ద‌ర్శ‌క‌త్వంలో ఓ సినిమా. కాగా.. మ‌రోచిత్రం సురేశ్ ప్రొడ‌క్ష‌న్స్ బ్యాన‌ర్‌లో తెర‌కెక్క‌బోయే చిత్రం. లేటెస్ట్ స‌మాచారం మేర‌కు సురేష్ ప్రొడ‌క్ష‌న్స్ బ్యాన‌ర్‌లో రూపొంద‌బోయే చిత్రం బాలీవుడ్ సినిమా డ్రీమ్ గ‌ర్ల్‌కు రీమేక్ అని రీసెంట్ ఇంట‌ర్వ్యూలో రాజ్‌త‌రుణ్ తెలియ‌జేశాడు. క‌రోనా ప్ర‌భావం త‌గ్గిన త‌ర్వాత ఈ రెండు సినిమాల‌కు సంబంధించిన అధికారిక స‌మాచారాలు వెలువ‌డ‌తాయ‌ని స‌మాచారం.

Get Breaking News Alerts From IndiaGlitz