ట్విట్టర్ లో రాజశేఖర్ ఎంట్రీ..కెసిఆర్ నిర్ణయానికి మద్దతు..!
- IndiaGlitz, [Monday,December 19 2016]
యాంగ్రీ యంగ్ మెన్ రాజశేఖర్ ట్విట్టర్ లో ఎంట్రీ ఇచ్చారు. ఫ‌స్ట్ ట్వీట్ అంటూ తెలంగాణ రాష్ట్ర సి.ఎం కెసిఆర్ నిర్ణ‌యాన్ని స‌మ‌ర్ధిస్తూ ట్వీట్ చేసారు. ఇంత‌కీ కెసిఆర్ ఏమన్నారంటే...నిజాయితీప‌రులు, న‌ల్ల‌ధ‌నం పోవాల‌ని కోరుకునే వారు, ప్ర‌పంచాన్ని శాసించే స్ధాయికి దేశం ఎద‌గాల‌ని కోరుకునేవారు పెద్ద నోట్ల పై మోడీ తీసుకున్న నిర్ణ‌యం విజ‌య‌వంతం కావాల‌ని కోరుకుంటున్నారు. ప్ర‌జ‌ల‌కు మంచి జ‌రుగుతుంది అంటే ఎందుకు వ్య‌తిరేకించాలి..? చిన్న చిన్న లోపాలు ప‌ట్టించుకోకుండా అంద‌రం మ‌ద్ద‌తిద్దాం.
ముస్లిం సోద‌రులు కూడా ఆయ‌న‌కు ఈ విష‌యంలో మ‌ద్ద‌తిస్తున్న‌ట్లు ఇంటెలిజెన్స్ నివేదిక ద్వారా నాకు తెలిసింది. కాబ‌ట్టి మ‌నం కూడా మ‌న ప్ర‌య‌త్నంగా మ‌ద్ద‌తిద్దాం. ప్ర‌ధాన మంత్రి విజ‌య‌వంత‌మ‌వుతారో లేదో చూద్దాం. మంచి జ‌రిగితే అంద‌రం ఆహ్వానిద్దాం. చెడు జ‌రిగితే అంద‌రం స‌మిష్టిగా పోరాడ‌దాం అని కెసిఆర్ అన్నారు. ఈ విషయం పై హీరో రాజశేఖర్ ట్విట్టర్ లో స్పందిస్తూ...మోడీ విజ‌న్ ను కెసిఆర్ క‌రెక్ట్ గా అర్ధం చేసుకున్నారు అంటూ కెసిఆర్ శాస‌న స‌భ‌లో మాట్లాడిన అంశాల‌తో ఈరోజు దిన‌పత్రిక‌ల్లో ప్ర‌చురించిన ఆ వార్త‌ను పోస్ట్ చేసారు.