close
Choose your channels

హీరో రాజశేఖర్ హెల్త్ బులిటెన్‌ విడుదల..

Thursday, October 22, 2020 • తెలుగు Comments

హీరో రాజశేఖర్ హెల్త్ బులిటెన్‌ విడుదల..

హీరో రాజశేఖర్ హెల్త్ బులిటెన్‌ను సిటీ న్యూరో సెంటర్ వైద్యులు విడుదల చేశారు. ఆయన ఆరోగ్యం నిలకడగా ఉందని వెల్లడించారు. ప్రస్తుతం రాజశేఖర్‌కు ఐసీయూలో నాన్ ఇన్‌వాసివ్ వెంటిలేటర్‌పై ఉంచి చికిత్సను అందిస్తున్నట్టు వైద్యులు వెల్లడించారు. ‘‘కోవిడ్ 19 చికిత్స నిమిత్తం సిటీ న్యూరో సెంటర్ ఫర్ సర్వీస్‌లో జాయిన్ అయిన డాక్టర్ వి. రాజశేఖర్‌కు ప్రస్తుతం ఐసీయూలో నాన్ ఇన్‌వాసివ్ వెంటిలేటర్‌పై ఉంచి చికిత్సను అందిస్తున్నాం. ప్రస్తుతం ఆయన కండీషన్ నిలకడగా ఉంది. ట్రీట్‌మెంట్‌కు ఆయన బాగానే స్పందిస్తున్నారు. మా ఆసుపత్రికి చెందిన నిపుణులైన వైద్యబృదం ఆయన ఆరోగ్యాన్ని నిరంతరం పర్యవేక్షిస్తోంది’’ అని ఆస్పత్రి మెడికల్ డైరెక్టర్ రత్నకిశోర్ వెల్లడించారు.

కాగా.. గురువారం ఉదయం రాజశేఖర్ చిన్న కుమార్తె శివాత్మక సోషల్ మీడియాలో తన తండ్రి ఆరోగ్య పరిస్థితిని వివరిస్తూ ప్రకటన చేసింది. కోవిడ్ నుంచి కోలుకునేందుకు నాన్న తీవ్రంగా పోరాటం చేస్తున్నారని పేర్కొంది. కరోనా నుంచి నాన్న వేగంగా కోలుకోవాలని అభిమానులు ప్రార్థించాలని కోరింది. శివాత్మక ప్రకటనతో రాజశేఖర్ ఆరోగ్యంపై గందరగోళం నెలకొంది. ఈ నేపథ్యంలో మరోమారు తన తండ్రి ఆరోగ్య పరిస్థితిని పేర్కొంటూ... రాజశేఖర్ ఆరోగ్యం నిలకడగానే ఉందని, వదంతులు నమ్మవద్దని విజ్ఞప్తి చేసింది.

Get Breaking News Alerts From IndiaGlitz