close
Choose your channels

ரஜினியின் 'அண்ணாத்த' படத்துடன் மோதும் சிவகார்த்திகேயன் படம்?

Thursday, July 29, 2021 • தமிழ் Comments

சூப்பர் ஸ்டார் ரஜினிகாந்த் நடித்து வரும் ‘அண்ணாத்த’ திரைப்படம் வரும் தீபாவளி அன்று வெளியாக இருப்பதாக ஏற்கனவே சன் பிக்சர்ஸ் நிறுவனம் அதிகாரபூர்வமாக அறிவித்துள்ள நிலையில் அதே நாளில் சிவகார்த்திகேயன் நடித்த ‘டாக்டர்’ படமும் வெளியாக வாய்ப்பு இருப்பதாக கூறப்படுவதால் பெரும் பரபரப்பு ஏற்பட்டுள்ளது.

சூப்பர் ஸ்டார் ரஜினிகாந்த், குஷ்பூ, மீனா, நயன்தாரா, கீர்த்தி சுரேஷ் உள்பட பலர் நடித்த ‘அண்ணாத்த’ திரைப்படம் வரும் தீபாவளி அன்று வெளியாகும் என ஏற்கனவே அறிவிக்கப்பட்டிருந்தது. அதற்கான பணிகள் தற்போது விறுவிறுப்பாக நடைபெற்று வருகிறது என்பதும் போஸ்ட் புரொடக்ஷன் பணிகளை இயக்குனர் சிறுத்தை சிவா சுறுசுறுப்புடன் செய்து வருகிறார் என்பதும் குறிப்பிடத்தக்கது.

இந்த நிலையில் சிவகார்த்திகேயன் நடித்த ’டாக்டர்’ திரைப்படம் தற்போது ரிலீசுக்கு தயாராக இருக்கும் நிலையில் அதே தீபாவளி நாளில் பிரபல தமிழ் தொலைக்காட்சி ஒன்றில் வெளியாக இருப்பதாக கூறப்படுகிறது. இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது.

ரஜினியின் ‘அண்ணாத்த’ திரைப்படம் தீபாவளி அன்று திரையரங்குகளில் பிரமாண்டமாக ரிலீஸ் ஆக இருக்கும் நிலையில் சிவகார்த்திகேயனின் டாக்டர் திரைப்படம் தொலைக்காட்சியில் ரிலீஸ் ஆனால் தீபாவளி அன்று சினிமா ரசிகர்களுக்கு இரட்டை விருந்து காத்திருக்கிறது என்பது குறிப்பிடத்தக்கது.

Get Breaking News Alerts From IndiaGlitz