close
Choose your channels

மார்ச் 5ல் கமல்-ரஜினி இணைப்பா?

Wednesday, February 26, 2020 • தமிழ் Comments

சூப்பர் ஸ்டார் ரஜினிகாந்த் அரசியல் கட்சி தொடங்குவதற்கு முன்பாக அண்ணாத்த’ படத்துடன் இன்னொரு படத்திலும் நடிக்க திட்டமிட்டு உள்ளதாக ஏற்கனவே வெளியான செய்திகளை பார்த்தோம். இந்த நிலையில் ’தலைவர் 169’ என்கிற அந்த திரைப்படத்தை கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனம் தயாரிக்க வாய்ப்பு இருப்பதாக செய்திகள் வெளிவந்தது.

இந்த நிலையில் தற்போது வந்த தகவலின் படி நீண்ட இடைவேளைக்குப்பின் ரஜினி-கமல் இணைவது கிட்டத்தட்ட உறுதி செய்யப்பட்டுள்ளதாகவும் இதுகுறித்த அறிவிப்பு மார்ச் 5ம் தேதி ராஜ்கமல் இண்டர்நேஷனல் நிறுவனத்தின் சார்பில் வெளியாகும் என்றும் கூறப்படுகிறது. மேலும் அன்றைய தினம் இந்த ரஜினியை இயக்கும் இயக்குனர் யார் என்பது குறித்த தகவல் வெளியாகும் என்று கூறப்படுகிறது. 

ரஜினி கமல் ஆகிய இருவரும் இணைந்து நடித்த கடைசி திரைப்படம் கே பாலச்சந்தர் இயக்கிய ’நினைத்தாலே இனிக்கும்’.அதன்பிறகு 41 வருடங்கள் கழித்து தற்போது தான் மீண்டும் இருவரும் திரைகள் இணைகின்றனர் என்பது குறிப்பிடப்பட்டது. ஏற்கனவே ரஜினி கமல் இணைந்து வரும் சட்டமன்ற தேர்தலை சந்திப்பார்கள் என்று எதிர்பார்க்கப்படும் நிலையில் அதற்கு முன்னதாக திரையுலகில் இருவரும் இணைகின்றனர் என்பது குறிப்பிடத்தக்கது.

Get Breaking News Alerts From IndiaGlitz