அடுத்த வாரம் அதாவது ஜூன் 20, 21, 22 ஆகிய மூன்று நாட்கள் தொடர்ச்சியாக ரஜினி, விஜய், சூர்யா படங்களின் அப்டேட்கள் வர இருப்பதாகத் தகவல் வெளியாகியுள்ள நிலையில், சினிமா ரசிகர்கள் மகிழ்ச்சி அடைந்துள்ளனர்.

இந்த ஆண்டு அடுத்தடுத்து பிரபல நடிகர்களின் படங்கள் தொடர்ச்சியாக வெளியாக இருக்கும் நிலையில், அந்தப் படங்களின் அப்டேட்களும் அவ்வப்போது வெளியாகி வருகின்றன.

அந்த வகையில், ஜூன் 20ஆம் தேதி ஆர்.ஜே. பாலாஜியின் பிறந்தநாள் ஸ்பெஷலாக, ’சூர்யா 45’ படத்தின் டைட்டிலுடன் கூடிய டீசர் வீடியோ வெளியாகும் என்று எதிர்பார்க்கப்படுகிறது.

அதைப்போல், ஜூன் 21ஆம் தேதி இயக்குனர் நெல்சன் திலீப்குமார் பிறந்தநாள் என்பதால், அன்றைய தினம் சூப்பர் ஸ்டார் ரஜினியின் 'ஜெயிலர் 2' படத்தின் அப்டேட் வெளிவர அதிக வாய்ப்பு இருப்பதாக கூறப்படுகிறது.

மேலும், ஜூன் 22ஆம் தேதி தளபதி விஜய்யின் பிறந்தநாள் என்பதால், அன்றைய தினம் அவர் நடித்து முடித்துள்ள 'ஜனநாயகன்' படத்தின் க்ளிம்ப்ஸ் வீடியோ வெளியாகலாம் என்று எதிர்பார்க்கப்படுகிறது.

மொத்தத்தில், அடுத்த வாரம் சினிமா ரசிகர்களுக்கு ஸ்பெஷல் கொண்டாட்ட வாரமாக இருக்கும் என்று எதிர்பார்க்கப்படுகிறது.