மீண்டும் ஒரே படத்தில் இணைகிறார்களா ரஜினி-சத்யராஜ்? எந்த படம்? இயக்குனர் யார்?
- IndiaGlitz, [Monday,April 15 2024]
சூப்பர் ஸ்டார் ரஜினிகாந்த் மற்றும் சத்யராஜ் இணைந்து பல திரைப்படங்கள் நடித்துள்ளார்கள் என்பதும் குறிப்பாக ’தம்பிக்கு எந்த ஊரு’ ’மூன்று முகம்’ ’மிஸ்டர் பாரத்’ ’பாயும் புலி’ ’நான் சிகப்பு மனிதன்’ ’நான் மகான் அல்ல’ உள்ளிட்ட பல திரைப்படங்களில் நடித்த நிலையில் கடந்த சில ஆண்டுகளாக இருவரும் இணைந்து நடிக்கவில்லை என்பது தெரிந்தது.
சூப்பர் ஸ்டார் ரஜினிகாந்த் நடிப்பில் ஷங்கர் இயக்கத்தில் உருவான ’சிவாஜி’ திரைப்படத்தில் சுமன் கேரக்டரில் சத்யராஜை நடிக்க வைக்க ஷங்கர் முயற்சி செய்ததாகவும் ஆனால் சத்யராஜ் அதில் நடிக்க விரும்பவில்லை என்று கூறியதாகவும் அந்த நேரத்தில் செய்திகள் வெளியாகின.
இந்த நிலையில் ’மிஸ்டர் பாரத்’ படத்திற்கு பிறகு மீண்டும் ஒரே படத்தில் ரஜினிகாந்த் - சத்யராஜ் நடிக்க வாய்ப்பு இருப்பதாகவும் இந்த முயற்சியை இயக்குனர் லோகேஷ் கனகராஜ் செய்து வருவதாகவும் கூறப்படுகிறது. ரஜினியின் ’தலைவர் 171' திரைப்படத்தில் ஒரு கேரக்டரில் சத்யராஜ் நடித்தால் தான் நன்றாக இருக்கும் என்று லோகேஷ் கனகராஜ் விரும்புவதாகவும் இது குறித்து அவரிடம் பேச்சுவார்த்தை நடைபெற்று வருவதாகவும் கூறப்படுகிறது.
ஏற்கனவே இந்த படத்தின் கமல்ஹாசனின் மகள் ஸ்ருதிஹாசன் நடிக்க இருப்பதாக கூறப்பட்ட நிலையில் தற்போது சத்யராஜ் இணைந்தால் இந்த படம் மிகப்பெரிய எதிர்பார்ப்பை ஏற்படுத்தும் என்பது குறிப்பிடத்தக்கது.