அரசியல் களத்தில் கமலை விட ரஜினிக்கு ஆதரவு அதிகம்: பிரபல இயக்குனர் பேட்டி
- IndiaGlitz, [Sunday,July 14 2019]
அரசியல் களத்தில் கமல்ஹாசனை விட ரஜினிகாந்துக்கு மக்களின் ஆதரவு அதிகம் இருக்கும் என பிரபல இயக்குனர் அமீர் பேட்டி ஒன்றில் தெரிவித்துள்ளார்.
தனியார் செய்தி தொலைக்காட்சி ஒன்றுக்கு பேட்டியளித்த இயக்குனர் அமீர், 'கமல்ஹாசனை விட ரஜினிகாந்துக்கு அரசியல் களத்தில் ஆதரவு அதிகம் என்றும், ஆனாலும் அந்த ஆதரவு ஆட்சியை பிடிக்கும் அளவுக்கு இருக்குமா? என்பது சந்தேகமே என்றும் தெரிவித்தார். அதே நேரத்தில் பாஜக ஆதரவு நிலையை ரஜினிகாந்த் தொடர்ந்தால் அவருடைய வாக்கு சதவீதம் குறையும்' என்றும் தெரிவித்தார்.
நடந்து முடிந்த பாராளுமன்ற தேர்தல் முடிவுகளில் இருந்து தமிழக மக்கள் எப்போதுமே பாஜகவுக்கு எதிரானவர்கள் என்பதை ரஜினிகாந்த் புரிந்து கொண்டிருப்பார் என்றும், ரஜினிகாந்த் அரசியலுக்கு வரும்போது ஆதரவும் எதிர்ப்பும் அதிகம் இருக்கும் என்றும் அமீர் தெரிவித்தார்.
மேலும் கமல்ஹாசனை பாஜகவின் 'பி' டீம் என தனக்கே கூட சந்தேகம் இருந்ததாகவும், ஆனால் அவரிடம் நேரில் பேசி அவருடன் சில கருத்துக்களை பகிர்ந்து கொண்ட பின்னர் பாஜகவை கமல்ஹாசன் கடுமையாக எதிர்ப்பதை புரிந்து கொண்டதாகவும் அமீர் அந்த பேட்டியில் கூறினார்.