சூப்பர் ஸ்டார் ரஜினிகாந்த் நடித்து முடித்துள்ள 'கூலி' மற்றும் தளபதி விஜய் நடித்து முடித்துள்ள 'ஜனநாயகன்' ஆகிய படங்கள் வெளியீட்டுக்கு முன்னரே இந்த படங்களின் பிசினஸ் விவரங்கள் இணையத்தில் வைரலாகி வருகின்றன.

சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில், அனிருத் இசையில் உருவாகியுள்ள 'கூலி' திரைப்படம் வரும் ஆகஸ்ட் 14ஆம் தேதி வெளியாக உள்ளது. இந்தப் படத்தின் படப்பிடிப்பு முடிவடைந்து, தற்போது இறுதிக்கட்ட தொழில்நுட்பப் பணிகள் நடைபெற்று வருகின்றன. இந்நிலையில், 'கூலி' படத்தின் வெளிநாட்டு வெளியீட்டு உரிமை வணிகம் முடிந்துவிட்டதாகவும், கிட்டத்தட்ட 85 கோடி ரூபாய்க்கு இந்த படம் வெளிநாட்டு உரிமைகளை விற்றுள்ளதாகவும் கூறப்படுகிறது.

அதேபோல், தளபதி விஜய் நடித்துள்ள 'ஜனநாயகன்' படத்தின் வெளிநாட்டு உரிமைகளும் விற்பனையாகிவிட்டதாக கூறப்படுகிறது. இந்த படம் 75 கோடி ரூபாய்க்கு விற்பனையாகி இருப்பதாக கூறப்படுகிறது. எனவே, இரு படங்களுக்கும் இடையிலான வித்தியாசம் 10 கோடி ரூபாய் என்பது குறிப்பிடத்தக்கது.

இந்த இரு படங்களிலும் நடித்த ரஜினிகாந்த் மற்றும் விஜய் ஆகிய இருவருமே தலா 200 கோடி ரூபாய் சம்பளம் வாங்கி இருப்பதாகவும் கூறப்பட்டு வருகிறது. மொத்தத்தில், இந்த இரண்டு படங்களும் மிக பெரிய வணிக வெற்றியை பெறும் என்று எதிர்பார்க்கப்படுகிறது.