5 மாநில தேர்தல்: பாஜக பின்னடைவு குறித்து ரஜினி கருத்து
- IndiaGlitz, [Tuesday,December 11 2018]
ராஜஸ்தான், மத்திய பிரதேசம், தெலுங்கானா, மிசோரம் மற்றும் சத்தீஷ்கர் ஆகிய ஐந்து மாநிலங்களுக்கு நடைபெற்ற சட்டமன்ற தேர்தலில் பதிவான வாக்குகள் இன்று காலை எண்ணப்பட்டது. இதில் பாஜக ஒரு மாநிலத்தில் கூட ஆட்சியை பிடிக்கவில்லை. அதுமட்டுமின்றி ராஜஸ்தான், மத்திய பிரதேசம் மற்றும் சத்தீஷ்கர் மாநிலங்களில் ஆட்சியை காங்கிரஸ் கட்சியிடம் இழந்துள்ளது.
இந்த நிலையில் பாஜகவுக்கு ஏற்பட்டுள்ள பின்னடைவு குறித்து சூப்பர் ஸ்டார் ரஜினிகாந்த் இன்று செய்தியாளர்களிடம் கருத்து கூறியபோது, '5 மாநில தேர்தல் முடிவுகளை பார்க்கும்போது, பாஜக செல்வாக்கை இழந்ததை காட்டுகிறது என்றும், 5 மாநில தேர்தல் முடிவுகள் பாஜகவிற்கு பெரும் பின்னடைவு என்றும் கூறியுள்ளார்.
மோடியை ஒரு வலிமையான தலைவர் என்று ரஜினிகாந்த் முந்தைய பேட்டியில் கூறியிருந்த நிலையில் இன்றைய பேட்டியில் பாஜகவுக்கு இதுவொரு பெரிய பின்னடைவு என்று கூறியுள்ளார் என்பது குறிப்பிடத்தக்கது.