రకుల్ ప్రీత్ కు బాలీవుడ్ ఆఫర్
- IndiaGlitz, [Monday,March 30 2020]
పంజాబీ ముద్దుగుమ్మ రకుల్ ప్రీత్ సింగ్ ద‌క్షిణాదిన తెలుగు, త‌మిళ చిత్రాల‌తో బాలీవుడ్‌లోనూ సినిమాలు చేస్తోంది. అయితే ఒక‌ప్పుడు ఉన్నంత స్పీడుగా రకుల్ కెరీర్ లేద‌నేది వాస్త‌వం. ప్ర‌స్తుతం ఆమె రెండు చిత్రాలు మాత్ర‌మే ఉన్నాయి. అవి కూడా త‌మిళ చిత్రాలే. తెలుగు చిత్ర‌సీమ ర‌కుల్‌పై శీత‌కన్ను వేసింది. ఈ రెండు చిత్రాల్లో ఒక‌టి శివ‌కార్తీకేయ‌న్ సినిమా కాగా.. మ‌రో చిత్రం ఇండియ‌న్ 2. ఈ చిత్రంలోనూ రకుల్ పాత్ర‌కు పెద్ద‌గా ప్రాధాన్యం ఉండ‌క‌పోవ‌చ్చు. ఇలాంటి త‌రుణంలో ర‌కుల్‌కు మంచి అవ‌కాశం త‌లుప తట్టింద‌ట.
వివ‌రాల మేర‌కు అజ‌య్ దేవ‌గ‌ణ్ హీరోగా రూపొందుతోన్న ‘థాంక్ గాడ్’ చిత్రంలో హీరోయిన్‌గా ఎంపికైంద‌ట. అస‌లు అవ‌కాశాలు లేని ర‌కుల్‌కు ఇది పెద్ద అవ‌కాశంగానే చెప్పొచ్చు. గ‌త ఏడాది అజ‌య్ దేవ‌గ‌ణ్‌తో రకుల్ న‌టించిన చిత్రం దే దే ప్యార్ దే ఆమెకు మంచి పేరుని తెచ్చి పెట్టింది. అందుక‌నే మ‌రోసారి అజ‌య్ దేవ‌గ‌ణ్ ఈ ఫిట్‌నెస్ ఫ్రీక్‌కు అవ‌కాశం క‌ల్పించి ఉంటాడ‌ని గుస‌గుస‌లు విన‌ప‌డుతున్నాయి.
కరోనా వైర‌స్ ప్ర‌భావంతో ఇంటికే ప‌రిమిత‌మైన రకుల్ ప్రీత్ సింగ్ ఫిజిక‌ల్ ఫిట్‌నెస్‌పై మరింత ఫోక‌స్‌గా ఉంది. ఆమె చేస్తున్న యోగాలు, ఎక్సర్‌సైజుల వీడియోలో నెట్టింట్లో హ‌ల్‌చ‌ల్ చేస్తున్నాయి.