చెర్రీ దంపతులు పెద్ద మనసు
- IndiaGlitz, [Wednesday,July 19 2017]
ప‌రాయి రాష్ట్రం అస్సాంలో భారీ వ‌ర్షాల‌తో ప్ర‌జ‌లు తీవ్ర ఇబ్బందులు ప‌డుతున్నారు. జ‌న జీవ‌నం స్తంభించింది. వ‌ర‌ద‌ల కార‌ణంగా 65 మంది మ‌ర‌ణించారు. ప్ర‌జ‌లు క‌నీస అవ‌స‌రాలైన తిండి, నీరు లేక ఇబ్బంద‌లు ప‌డుతున్నారు. వీరికి స‌హాయం చేయాల‌ని రామ్‌చ‌ర‌ణ్, ఉపాస‌న‌లు అనుకున్నారు. అనుకున్న‌దే త‌డ‌వుగా రామ్‌చ‌ర‌ణ్ త‌న ఫేస్ బుక్ అకౌంట్ ద్వారా అస్సాం ప్ర‌జ‌ల‌కు స‌హాయం చేయాల‌ని కోరారు.
'ద‌య చేసి బాధితుల‌కు స‌హాయం చేయండి, ప్ర‌తి రూపాయి ఎంతో విలువైన‌ద‌ని' చెర్రి తెలిపాడు. ప్ర‌జ‌ల కోసం విరాలాలు సేక‌రిస్తున్న కెట్టో. ఆర్గ్ వెబ్ సైట్ లింక్‌ను పోస్ట్ చేశారు. చెర్రీ పిలుపుకు ఉపాస‌న స్పందించింది. మాకు తోచినంత మేం స‌హాయం చేశాం. మీకు తోచినంత స‌హాయం చేయండి అన్నారు. రామ‌చ‌ర‌ణ్‌, ఉపాస‌నల పెద్ద మ‌న‌సును అభినందించాల్సిందే.