చ‌ర‌ణ్ చేతుల మీదుగా న‌క్ష‌త్రం ఫ‌స్ట్ లుక్..!
- IndiaGlitz, [Saturday,October 08 2016]
క్రియేటివ్ డైరెక్ట‌ర్ కృష్ణ‌వంశీ తెర‌కెక్కిస్తున్న తాజా చిత్రం న‌క్ష‌త్రం. ఈ చిత్రంలో సందీప్ కిష‌న్, రెజీనా జంట‌గా న‌టిస్తున్నారు. మెగా హీరో సాయిధరమ్ తేజ్ ఈ చిత్రంలో ప‌వ‌ర్ ఫుల్ పోలీస్ రోల్ చేస్తుండ‌డం విశేషం. ఈ చిత్రాన్ని శ్రీ చ‌క్ర మీడియా బ్యానర్ పై కె.శ్రీనివాసులు, ఎస్.వేణుగోపాల్ స‌జ్జు సంయుక్తంగా నిర్మిస్తున్నారు.
విభిన్న క‌ధాంశంతో రూపొందుతున్న న‌క్ష‌త్రం ఫ‌స్ట్ లుక్ ను మెగా ప‌వ‌ర్ స్టార్ రామ్ చ‌ర‌ణ్ రిలీజ్ చేయ‌నున్న‌ట్టు వార్త‌లు వ‌చ్చిన విష‌యం తెలిసిందే. ఇక ఈరోజు రామ్ చ‌ర‌ణ్ న‌క్ష‌త్రం ఫ‌స్ట్ లుక్ ను రిలీజ్ చేసి... న‌క్ష‌త్రం ఫ‌స్ట్ లుక్ బాగుంది అంటూ టీమ్ కి అభినంద‌న‌లు తెలియ‌చేసారు. పోలీస్ అవ్వాల‌నుకునే ఓ యువ‌కుడి క‌థ‌గా న‌క్ష‌త్రం చిత్రం రూపొందుతుంది. కృష్ణ‌వంశీకి ఈ న‌క్ష‌త్రం విజ‌యం అందిస్తుందేమో చూడాలి..!