ఖైదీ కలెక్షన్స్ చరణ్ చెబుతాడట..!
- IndiaGlitz, [Wednesday,January 18 2017]
మెగాస్టార్ చిరంజీవి న‌టించిన 150వ చిత్రం ఖైదీ నెం 150. డైన‌మిక్ డైరెక్టర్ వినాయ‌క్ తెర‌కెక్కించిన ఖైదీ నెం 150 సంక్రాంతి కానుక‌గా రిలీజై సెన్సేష‌న్ క్రియేట్ చేస్తుంది. తెలుగు రాష్ట్రాల్లోనే కాకుండా ఓవ‌ర్ సీస్ లో సైతం ఖైదీ నెం 150 రికార్డ్ స్ధాయి కలెక్షన్స్ వ‌సూలు చేస్తుండ‌డం విశేషం. ఇప్ప‌టికే ఖైదీ నెం 150 100 కోట్ల‌కు పైగా గ్రాస్ వ‌సూలు చేసి సంచ‌ల‌నం సృష్టించింది. కొణిదెల ప్రొడ‌క్ష‌న్ కంపెనీ బ్యాన‌ర్ పై తొలిసారి నిర్మాత‌గా మారి రామ్ చరణ్ ఈ చిత్రాన్ని అత్యంత ప్ర‌తిష్టాత్మ‌కంగా నిర్మించారు.
ఖైదీ నెం 150 ఫ‌స్ట్ డే కలెక్షన్స్ ను మెగా ప్రొడ్యూస‌ర్ అల్లు అర‌వింద్ ఎనౌన్స్ చేసిన విష‌యం తెలిసిందే. ఇక ఫ‌స్ట్ వీక్ కలెక్షన్స్ ను మెగా ప‌వ‌ర్ స్టార్ రామ్ చరణ్ ఎనౌన్స్ చేయ‌నున్నారు. ఈరోజు సాయంత్రం జ‌రిగే ప్రెస్ మీట్ లో రామ్ చరణ్ ఖైదీ నెం 150 ఫ‌స్ట్ వీక్ కలెక్షన్స్ ఎనౌన్స్ చేస్తార‌ని స‌మాచారం. ఈ ప్రెస్ మీట్ లో రామ్ చరణ్ తో పాటు అల్లు అర‌వింద్, వి.వి.వినాయ‌క్ పాల్గొంటారు.