చరణ్ విలన్ గా...
- IndiaGlitz, [Friday,April 14 2017]
లెజెండ్ సినిమాతో విల‌న్‌గా ఎంట్రీ ఇచ్చిన హీరో జ‌గ‌ప‌తిబాబు అప్ప‌టి నుండి త‌న రూట్‌ను మార్చుకుని క్యారెక్ట‌ర్ ఆర్టిస్ట్‌గా, విల‌న్‌గా సినిమాలు చేస్తూ బిజీగా ఉన్నాడు. జ‌గ‌ప‌తిబాబుకు విల‌న్‌గా మంచి పేరు తెచ్చిన సినిమాల్లో సుకుమార్ దర్శకత్వంలో వ‌చ్చిన నాన్న‌కు ప్రేమ‌తో సినిమా కూడా ఒక‌టి. ఈ చిత్రంలో జ‌గ‌ప‌తిబాబును స్ట‌యిలిష్‌గా ప్రొట్రేట్ చేసిన సుకుమార్ మ‌రోసారి జ‌గ‌ప‌తిబాబును విల‌న్‌గా చూపించ‌డానికి రెడీ అయ్యాడు.
మైత్రీ మూవీ మేక‌ర్స్ బ్యాన‌ర్‌పై సుకుమార్ దర్శకత్వంలో రామ్ చరణ్, స‌మంత హీరో హీరోయిన్లుగా రూపొందుతోన్న చిత్రంలో జ‌గ‌ప‌తిబాబు విల‌న్‌గా న‌టించ‌డానికి గ్రీన్ సిగ్న‌ల్ ఇచ్చాడ‌ని వార్త‌లు విన‌ప‌డుతున్నాయి. అయితే రామ్‌చ‌ర‌ణ్‌, సుకుమార్ చిత్రం విలేజ్ బ్యాక్‌డ్రాప్‌లో రూపొందుతోంది. రాజ‌మండ్రి ప‌రిస‌ర ప్రాంతాల్లో చిత్రీక‌ర‌ణ జ‌రుపుకుంటున్న ఈ సినిమాలో జ‌గ‌ప‌తిబాబును సుక్కు ఎలా చూపిస్తాడో మ‌రి..