రామ్ అసంతృప్తి...
- IndiaGlitz, [Wednesday,October 17 2018]
ఎనర్జ‌టిక్ స్టార్ రామ్ హీరోగా దిల్ రాజు నిర్మించిన చిత్రం 'హ‌లో గురు ప్రేమ‌కోస‌మే'. అనుప‌మ ప‌ర‌మేశ్వ‌ర‌న్ హీరోయిన్‌గా న‌టించింది. ప్ర‌కాశ్ రాజ్ కీల‌క పాత్ర‌ధారి. ఈ చిత్రం ద‌స‌రా సంద‌ర్భంగా అక్టోబ‌ర్ 18న విడుద‌ల‌వుతుంది. సాధార‌ణంగా దిల్‌రాజు, రామ్ సినిమా అంటే ఓ బ‌జ్ ఉండాలి. కానీ సినిమాకు సంబంధించి ఎటువంటి బ‌జ్ లేద‌ట.
మ‌రి అందుకు కార‌ణం దిల్‌రాజు వెన‌క ఏదైనా స్ట్రాట‌జీ ప్లాన్ చేశాడా? అంటే గొప్ప క‌థేం కాదు.. ట్రీట్‌మెంట్ డిఫ‌రెంట్‌గా ఉంటుంద‌ని చెప్పారు. అయితే ఈ బ‌జ్ లేక‌పోవ‌డంతో రామ్ అసంతృప్తిగా ఉన్నాడ‌ని వార్త‌లు విన‌ప‌డుతున్నాయి. త‌న బ్యాన‌ర్‌లో సినిమాలు చేసుకుంటే ప్ర‌మోష‌న్స్ ప‌రంగా రామ్ స్పెష‌ల్ కేర్ తీసుకుంటాడు. కానీ.. 'హ‌లో గురు ప్రేమ‌కోస‌మే' దిల్‌రాజు సినిమా. ప్ర‌మోష‌న్స్ అంతా ఆయ‌న ప‌రిధిలోనే ఉంటాయి కాబ‌ట్టి రామ్ ఏం చేయలేక‌పోతున్నాడ‌ని వార్త‌లు విన‌ప‌డుతున్నాయి.