పాట పాడిన రామ్....
- IndiaGlitz, [Wednesday,September 26 2018]
ఇప్పుడు సినిమాల్లో హీరో హీరోయిన్స్ అంద‌రూ త‌మ గొంత‌ను స‌వ‌రించుకుంటున్నారు. కేవ‌లం డ‌బ్బింగ్ చెప్ప‌డానికే కాదు.. పాట‌లు కూడా పాడుతున్నారు. ప‌వ‌న్‌క‌ల్యాణ్‌, ఎన్టీఆర్ వంటి స్టార్స్ ఈ లిస్టులో ఉన్నారు. తాజాగా ఇలాంటి స్టార్స్ లిస్టులో రామ్ కూడా చేరారు. ఆయ‌న త‌న తాజా చిత్రం 'హ‌లో గురు ప్రేమ కోస‌మే' కోసం పాట పాడార‌ని వార్త‌లు విన‌ప‌డుతున్నాయి.
దేవిశ్రీ ప్ర‌సాద్ సంగీతం అందించిన ఈ సినిమాలో ఓ పాట‌ను రామ్‌ను పాడాల్సిందిగా దేవి కోరాడ‌ట. ముందు నో చెప్పిన రామ్.. త‌ర్వాత దేవిశ్రీ ప్ర‌సాద్ స‌ల‌హాలు, సూచ‌న‌లతో పాట‌ను బాగా పాడ‌టం నేర్చుకుని పాడాడ‌ట. ఈ పాట రికార్డింగ్ కూడా పూర్త‌య్యింద‌ని స‌మాచారం. ద‌స‌రా సంద‌ర్భంగా అక్టోబ‌ర్ 18న సినిమా విడుద‌ల కానుంది.