close
Choose your channels

బన్నీకి గ్రీటింగ్ పంపించిన చెర్రీ దంపతులు

Sunday, May 9, 2021 • తెలుగు Comments

బన్నీకి గ్రీటింగ్ పంపించిన చెర్రీ దంపతులు

కరోనా మహమ్మారి భారత్‌లో వేగంగా విస్తరిస్తోంది. ఫస్ట్‌ వేవ్‌తో పోలిస్తే సెకండ్ వేవ్ ఉద్ధృతి చాలా ఎక్కువగా ఉంది. సెకండ్ వేవ్‌లో సామాన్యులే కాదు.. ప్రముఖ రాజకీయ నాయకులు, సినీ ప్రముఖులు కరోనా బారిన పడుతున్న విషయం తెలిసిందే. మెగా ఫ్యామిలిలో పవర్ స్టార్ పవన్ కల్యాణ్ కరోనా బారిన పడి తాజాగా కోలుకున్న విషయం తెలిసిందే. పవన్ తర్వాత స్టైలిష్ స్టార్ అల్లు అర్జున్ కూడా కరోనా బారిన పడి ప్రస్తుతం హోం ఐసోలేషన్‌లో ఉన్న విషయం తెలిసిందే. ఈ క్రమంలో బన్నీ కూడా కోలుకోవాలని అటు సెలబ్రిటీలు, ఇటు అభిమానులు కోరుకుంటున్నారు.

Also Read: ఆ తప్పు జీవితంలో చెయ్యను: చార్మి

తాజాగా అల్లు అర్జున్ త్వరగా కోలుకోవాలని కోరుకుంటూ మెగా పవర్ స్టార్ రామ్ చరణ్ దంపతులు ఆయనకు ఒక గ్రీటింగ్ కార్డు పంపించారు. కరోనా నుంచి కోలుకుని బన్నీ ఆరోగ్యంగా తిరిగి రావాలని ఆకాంక్షిస్తూ తాజాగా చరణ్‌ దంపతులు ఈ గ్రీటింగ్‌ కార్డును బన్నీకి పంపించారు. ‘ప్రియమైన బన్నీ!! కొవిడ్‌ నుంచి నువ్వు కోలుకుంటున్నావని ఆశిస్తున్నాం. నువ్వు ఆరోగ్యంగా తిరిగి వచ్చిన వెంటనే మనం కలుద్దాం’ అని చెర్రీ ఆ గ్రీటింగ్ కార్డులో పేర్కొన్నాడు. అంతేకాకుండా కొన్ని ఇమ్యూనిటీని పెంచే ఆహార పదార్థాలు, పండ్లు ఇతర సామగ్రిని సైతం బన్నీకి కానుకగా చెర్రీ దంపతులు పంపించారు. ఈ విషయాన్ని తెలియజేస్తూ చరణ్‌ దంపతులకు బన్నీ ధన్యవాదలు తెలిపాడు.

ప్రస్తుతం అల్లు అర్జున్ ‘పుష్ప’లో నటిస్తున్న విషయం తెలిసిందే. సుకుమార్‌ దర్శకత్వం వహిస్తున్న ఈ సినిమాలో బన్నీకి జోడీగా రష్మిక సందడి చేయనున్నారు. ఈ సినిమా షూట్‌లో బిజీగా ఉన్న బన్నీకి ఇటీవల పాజిటివ్‌గా నిర్ధారణ అయ్యింది. కాబట్టి ఆయన ఇంట్లోనే ఉంటూ వైద్యుల సూచనల మేరకు తగిన జాగ్రత్తలు పాటిస్తున్నారు. దీంతో ఈ సినిమా షూటింగ్‌కు బ్రేక్ పడింది. ఇక చెర్రీ అటు దర్శకధీరుడు రాజమౌళి దర్శకత్వంలో ‘ఆర్ఆర్ఆర్’లోనూ.. ఇటు కొరటాల శివ దర్శకత్వంలో తెరకెక్కుతున్న ‘ఆచార్య’ సినిమాలోనూ నటిస్తున్నాడు.

Get Breaking News Alerts From IndiaGlitz