close
Choose your channels

'రాములో రాముల..' సాంగ్ రికార్డ్‌

Wednesday, May 13, 2020 • తెలుగు Comments

రాములో రాముల.. సాంగ్ రికార్డ్‌

ఈ మ‌ధ్య విడుద‌లైన చిత్రాల్లోని పాట‌ల్లో ‘అల వైకుంఠ పుర‌ములో’ సాంగ్స్‌కు వ‌చ్చినంత రెస్పాన్స్ మ‌రే సినిమాకు రాలేదు. అల్లు అర్జున్‌, త్రివిక్ర‌మ్ కాంబినేష‌న్‌లో రూపొందిన ఈ హ్యాట్రిక్ చిత్రం బ్లాక్ బ‌స్ట‌ర్ విజ‌యాన్ని సాధించింది. పాట‌ల విష‌యానికి వ‌స్తే.. సినిమా విడుద‌ల‌కు ముందు లిరిక‌ల్ వీడియో సాంగ్స్ సెన్సేష‌న్ క్రియేట్ చేశాయి. ‘సామ‌జ‌వ‌ర‌గ‌మ‌న‌..’, ‘రాములో రాముల ...’, ‘బుట్ట‌బొమ్మ..’ సాంగ్స్‌కు విప‌రీత‌మైన క్రేజ్ ద‌క్కింది. ఒక్కొక్క సాంగ్ వంద మిలియ‌న్ మార్కును చేరుకున్నాయి.

ఇక సినిమా విడుద‌ల త‌ర్వాత వీడియో సాంగ్స్‌కు అదే రేంజ్‌లో ఆద‌ర‌ణ ద‌క్కుతుంది. ఇటీవ‌ల ‘బుట్ట‌బొమ్మ..’ వీడియో సాంగ్ 150 మిలియ‌న్ మార్క్‌ను క్రాస్ చేసిన సంగ‌తి తెలిసిందే. తాజాగా ఇప్పుడు ‘రాములో రాముల..’ సాంగ్ 100 మిలియ‌న్ మార్కును అందుకుంది. ఈ విష‌యాన్ని నిర్మాణ సంస్థ‌లు అధికారికంగా తెలియ‌జేశాయి. కాసర్లశ్యామ్ ఈ పాటను రాయగా తమన్ ఈ చిత్రానికి సంగీతాన్ని అందించిన సంగతి తెలిసిందే. ఈ సంక్రాంతికి విడుద‌లైన ఈ సినిమా 200 కోట్ల రూపాయ‌ల వ‌సూళ్ల‌ను దాటి నాన్ బాహుబ‌లి రికార్డుల‌ను సాధించింది. ప్ర‌స్తుతం బ‌న్నీ, సుకుమార్ ద‌ర్శ‌క‌త్వంలో పుష్ప అనే పాన్ ఇండియా సినిమా చేస్తున్నాడు.

Get Breaking News Alerts From IndiaGlitz