రుద్రాక్ష లో రమ్యకృష్ణ...
- IndiaGlitz, [Monday,February 01 2016]
క్రియేటివ్ డైరెక్టర్ కృష్ణ‌వంశీ తెర‌కెక్కించ‌నున్న చిత్రం రుద్రాక్ష. ఈ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యానర్ పై దిల్ రాజు నిర్మిస్తున్నారు. ఈ చిత్రం ఈ నెల‌లో ప్రారంభం కానుంది. ఇందులో ఐదుగురు హీరోయిన్స్, ఐదుగురు హీరోలు న‌టించ‌నున్నారు. మెయిన్ రోల్ కోసం అందాల తార అనుష్క ను ఎంపిక చేసిన విషయం తెలిసిందే. ఇక మరో మెయిన్ లీడ్ కోసం స‌మంతను ఎంపిక చేసారు.
స‌మంత నెగిటివ్ రోల్ పోషించ‌నున్న‌ట్టు స‌మాచారం. ఇక మరో ముఖ్య‌పాత్ర కోసం బాహుబ‌లి, సోగ్గాడే చిన్ని నాయ‌నా...చిత్రాల‌తో మ‌ళ్లీ ఫామ్ లోకి వ‌చ్చిన రమ్యకృష్ణ ను ఫైన‌ల్ చేసార‌ట. ఇక ఐదుగురు హీరోయిన్స్ లో మరో ఇద్ద‌రు హీరోయిన్స్ ను ఎంపిక చేయాలి. ఈ ఇద్ద‌రి హీరోయిన్స్ ఫైన‌ల్ చేసాక హీరోల‌ను సెలెక్ట్ చేస్తార‌ట. మ‌రి భారీ తారాగ‌ణంతో రూపొందే రుద్రాక్ష తో కృష్ణ‌వంశీ ఎలాంటి సెన్సేష‌న్ క్రియేట్ చేస్తాడో చూడాలి.