రోబో 2.0లో న‌టించ‌డం గురించి క్లారిటీ ఇచ్చిన ర‌మ్య‌కృష్ణ..
- IndiaGlitz, [Saturday,July 16 2016]
అందం, అభిన‌యం రెండు ఉన్న అతికొద్ది మంది క‌థానాయిక‌ల్లో ర‌మ్య‌కృష్ణ ఒక‌రు. ప్ర‌స్తుతం ర‌మ్య‌కృష్ణ యూనివ‌ర్శ‌ల్ హీరో క‌మ‌ల్ హాస‌న్ స‌ర‌స‌న శ‌భాష్ నాయుడు చిత్రంలో న‌టిస్తుంది. మ‌రో వైపు సంచ‌ల‌న చిత్రం బాహుబ‌లి 2 లో న‌టిస్తుంది. ఇదిలా ఉంటే... సూపర్ స్టార్ ర‌జ‌నీకాంత్ - గ్రేట్ డైరెక్ట‌ర్ శంక‌ర్ కాంబినేష‌న్ లో రూపొందుతున్న చిత్రం రోబో 2.0. ఈ చిత్రంలో ర‌జ‌నీ స‌ర‌స‌న ర‌మ్య‌కృష్ణ న‌టిస్తున్న‌ట్టు గ‌త కొన్ని రోజులుగా వార్త‌లు వ‌స్తున్నాయి.
ఈ వార్త‌ల పై ర‌మ్య‌కృష్ణ క్లారిటీ ఇచ్చారు. ఇంత‌కీ ర‌మ్య ఏమ‌న్నారంటే...రోబో 2.0 చిత్రంలో న‌టించ‌మ‌ని న‌న్ను ఎవ‌రూ సంప్ర‌దించ‌లేదు. అవ‌న్నీ పుకార్లు మాత్ర‌మే అని చెప్పారు. 50% షూటింగ్ పూర్తి చేసుకున్న రోబో 2.0 తాజా షెడ్యూల్ ఆగ‌ష్టు మొద‌టివారంలో ప్రారంభం కానున్న‌ట్టు స‌మాచారం.