ரம்யா பாண்டியன் வீட்டுக்கு சென்றாரா தல அஜித்?
- IndiaGlitz, [Wednesday,October 06 2021]
தல அஜித் எங்கள் வீட்டிற்கு வந்தார் என்றும் எங்கள் வீட்டில் உள்ள அனைவரிடமும் நின்று நிதானமாகப் பேசினார் என்றும் பிக்பாஸ் நிகழ்ச்சியில் கலந்து கொண்ட பிரபல நடிகை ரம்யா பாண்டியன் பேட்டி ஒன்றில் கூறியுள்ளார்.
பிக் பாஸ் சீசன் 4 நிகழ்ச்சியில் கலந்து கொண்ட போட்டியாளர்களில் ஒருவர் ரம்யா பாண்டியன் என்பதும் இவர் கடைசி வரை பிக்பாஸ் நிகழ்ச்சியில் தாக்குப்பிடித்து 100 நாட்கள் வரை பிக்பாஸ் வீட்டில் இருந்தார் என்பதும் கடைசியாக கொடுக்கப்பட்ட டாஸ்க்கில் சிங்கப்பெண்ணாக வெளியேறினார் என்பது குறிப்பிடத்தக்கது
இந்த நிலையில் சமூக வலைதளங்களில் ஆக்டிவ்வாக இருக்கும் ரம்யா பாண்டியன் சமீபத்தில் அளித்த பேட்டி ஒன்றில், ‘எங்கள் வீட்டில் நடந்த விழா ஒன்றில் கலந்து கொள்ள தல அஜித் எங்கள் வீட்டுக்கு வந்து இருந்தார் என்றும் பொறுமையாக அனைவரிடமும் நின்று நிதானமாகப் பேசினார் என்றும் கூறியுள்ளார்
அதேபோல் தளபதி விஜய்யை தான் சிறுவயதில் இருந்து பார்த்து வருவதாகவும் அப்போது இருப்பது போல இப்போதும் மிகவும் இளமையாக இருக்கிறார் என்றும் கூறிய ரம்யா பாண்டியன், மொத்தத்தில் தளபதி யங், தல கிங் என்று அவர் இருவரையும் ஒரே வரியில் கூறியுள்ளார்.