రాంగ్ టైంలో రవితేజ
- IndiaGlitz, [Friday,November 20 2015]
కొంద‌రికి కొన్ని విష‌యాలు అస్స‌లు క‌లిసిరావు. ఫ‌ర్ ఎగ్జాంపుల్ రవితేజ సంగ‌తినే తీసుకోండి. సోలో హీరోగా రవితేజ నటించిన సినిమాల్లో.. డిసెంబ‌ర్ నెల‌లో వ‌చ్చిన సినిమాలేవీ ఆర్థికంగా విజ‌యాల‌ను సాధించ‌లేదు. నీ కోసం (1999), అన్వేష‌ణ (2002), ఖ‌త‌ర్నాక్ (2006), నేనింతే (2008), సారొచ్చారు (2012).. ఇలా రవితేజ హీరోగా డిసెంబ‌ర్‌లో వ‌చ్చిన సినిమాలు ఐతే యావ‌రేజ్‌లు.. లేదంటే డిజాస్ట‌ర్స్ అన్న‌ట్లుగా తేలాయి. ఈ నేప‌థ్యంలో ర‌వితేజ‌కి క‌లిసి రాని డిసెంబ‌ర్ నెల‌లో వ‌స్తున్న 'బెంగాల్ టైగ‌ర్' ప‌రిస్థితి ఏమ‌వుతుందో అన్న‌ది ఆస‌క్తిక‌రంగా మారింది. 'బెంగాల్ టైగ‌ర్' డిసెంబ‌ర్ 10న విడుదల కానుంది.