చిరు సినిమాను లాక్కున రవితేజ...
- IndiaGlitz, [Wednesday,December 23 2015]
బెంగాల్ టైగ‌ర్ సినిమా తర్వాత మాస్ మ‌హారాజా ర‌వితేజ్ రెండు సినిమాల‌కు గ్రీన్ సిగ్న‌ల్ ఇచ్చాడు. వేణుశ్రీరామ్ ద‌ర్శ‌క‌త్వంలో ఎవ‌డో ఒక‌డు ఒక సినిమా కాగా, చ‌క్రి అనే నూత‌న ద‌ర్శ‌కుడుతో మ‌రో సినిమా చేయ‌బోతున్నాడు. ఇవి కాకుండా పూరి జ‌గ‌న్నాథ్ ద‌ర్శ‌క‌త్వంలో రవితేజ సినిమా ఉంటుంద‌ని స‌మాచారం.
ఇంత‌కి ఈ కాంబినేషన్లో రాబోతున్న మూవీ ఏద‌ని అనుకుంటున్నారా? అదేనండి చిరును హీరోగా పెట్టి పూరి డైరెక్ట్ చేయాల‌నుకున్న 150వ సినిమా ఆటోజాని. సెకండాఫ్ చిరుకి న‌చ్చ‌క‌పోవ‌డంతో సినిమా ట్రాక్ ఎక్క‌లేదు. అయితే పూరి ఆ క‌థ‌ను ర‌వితేజతో చేయాల‌ని డిసైడ్ అయిపోయాడ‌నేది టాక్‌. మ‌రి పూరి ఇప్పుడు రోగ్ సినిమాతో బిజీగా ఉన్నాడు. రవితేజ రెండు సినిమాల‌తో బిజీగా ఉన్నాడు. వీరిద్ద‌రు కాస్తా గ్యాప్ దొరికితే ఈ సినిమాను చేయడానికి రెడీ అవుతున్నార‌ట.