ஃபோர்ப்ஸ் நிறுவனம் வெளியிட்டுள்ள பிரபலங்கள் பட்டியலில், தனுஷ் இயக்கிய 'ராயன்' படத்தில் நடித்த நடிகை இடம் பெற்றிருப்பதை அடுத்து, அவருக்கு வாழ்த்துக்கள் குவிந்து வருகிறது.

பிரபல மலையாள நடிகையான அபர்ணா பாலமுரளி, தமிழில் '8 தோட்டாக்கள்' திரைப்படத்தின் மூலம் அறிமுகமானார். அதன் பிறகு, அவர் ஜிவி பிரகாஷுடன் 'சர்வம் தாள மையம்', சூர்யாவின் 'சூரரை போற்று' உள்ளிட்ட சில தமிழ் படங்களில் நடித்தார்.

இந்த நிலையில், தனுஷ் இயக்கத்தில் உருவான 'ராயன்' திரைப்படத்தில் ஒரு முக்கிய கதாபாத்திரத்தில் அபர்ணா நடித்திருக்கிறார். தற்போது, அவர் மூன்று மலையாளப் படங்களில் நடித்து வருகிறார்.

இந்த சூழ்நிலையில், அமெரிக்காவின் பிரபல நிறுவனமான ஃபோர்ப்ஸ் வெளியிட்டுள்ள பிரபலமான 30 பேர் கொண்ட பட்டியலில் அபர்ணா பாலமுரளி இடம் பெற்றுள்ளார். பொழுதுபோக்கு என்ற பிரிவில் அவரது பெயர் இடம்பெற்றுள்ளது. இதையடுத்து அவருக்கு ரசிகர்கள் வாழ்த்துக்களை தெரிவித்து வருகின்றனர்.

கடந்த ஆண்டு, அவர் இந்திய திரையுலகில் பிரபலமடைந்ததை கணக்கில் கொண்டு, அவருக்கு இந்த பட்டியலில் இடம் கிடைத்துள்ளதாக கூறப்படுகிறது.

View this post on Instagram

A post shared by Forbes India (@forbesindia)