த்ரிஷாவின் அடுத்த படத்தின் ரிலீஸ் திட்டம்
- IndiaGlitz, [Tuesday,July 09 2019]
த்ரிஷா நடிப்பில் வெளியான '96' மற்றும் 'பேட்ட' ஆகிய படங்கள் நல்ல வெற்றியை பெற்ற நிலையில் அவர் தற்போது 'கர்ஜனை', 'சதுரங்க வேட்டை', 'பரமபத விளையாட்டு', 'ராங்கி' ஆகிய படங்களில் நடித்து வருகிறார்.
இதில் 'கர்ஜனை', 'சதுரங்க வேட்டை' ஆகிய படங்கள் பல மாதங்களுக்கு முன்னரே ரிலீசுக்கு தயாராகிவிட்டாலும் ஒருசில காரணங்களால் ரிலீஸ் தேதி தள்ளி போய்க்கொண்டிருக்கின்றது. இந்த நிலையில் வரும் ஆகஸ்ட் மாதம் 'கர்ஜனை' திரைப்படம் வெளிவரவிருப்பதாக செய்திகள் வெளிவந்துள்ளது
இதுகுறித்து பேட்டி ஒன்றில் கூறிய கர்ஜனை இயக்குனர் சுரேந்தர் பாபு, ' இந்த படத்தை கடந்த 2017ஆம் ஆண்டு ஆரம்பித்து 27 நாட்களில் படப்பிடிப்பை முடித்துவிட்டோம். அதேபோல் 2018ஆம் ஆண்டிலேயே கம்ப்யூட்டர் கிராபிக்ஸ் பணிகளும் முடிந்துவிட்டது. இந்த படத்தின் ஸ்டண்ட் காட்சிகளில் த்ரிஷாவே ரிஸ்க் எடுத்து நடித்திருந்தார். இந்த படத்தின் ரிலீஸ் தாமதமானது வருத்தமடைய செய்தாலும், தற்போது ஒரு பெரிய நிறுவனம் இந்த படத்தின் தமிழக ரிலீஸ் உரிமையை பெற்றுள்ளது. எனவே வரும் ஆகஸ்ட் மாதம் இந்த படத்தை திரையிட திட்டமிட்டுள்ளோம்' என்று கூறியுள்ளார்.
த்ரிஷா, வம்சி கிருஷ்ணா, மதுமிதா, ஸ்ரீரஞ்சனி, வடிவுக்கரசி, உள்பட பலர் நடித்துள்ள இந்த படத்திற்கு அம்ரேஷ் கணேஷ் இசையமைத்துள்ளார்.