ரூ.100 நோட்டுக்கும் ஆபத்தா? ரிசர்வ் வங்கி விளக்கம்
- IndiaGlitz, [Saturday,February 04 2017]
ரூ.500, ரூ.1000 நோட்டுக்கள் செல்லாது என்று அறிவிக்கப்பட்டு அதற்கு பதிலாக புதிய ரூ.500 மற்றும் ரூ.2000 நோட்டுகள் அறிமுகப்படுத்தப்பட்டுள்ளது.
இந்நிலையில் விரைவில் புதிய ரூ.100 நோட்டுக்களை இந்திய ரிசர்வ் வங்கி புழக்கத்தில் விட உள்ளதாக செய்தி வெளியாகியுள்ளது. இதனால் பழைய 100 ரூபாய் நோட்டுக்கள் செல்லுமா? என்ற அச்சத்துடன் பலர் சமூக வலைத்தளங்களில் கேள்வி கேட்டு வரும் நிலையில் பழைய 100 ரூபாய் நோட்டுகளும் செல்லும் என்றும் அதில் எந்தவித மாற்றமும் இல்லை என்றும் ரிசர்வ் வங்கி கூறியுள்ளது.
மேலும் புதிய 100 ரூபாய் நோட்டுகளில் மகாத்மா காந்தி படத்துடன் 'R' என்ற எழுத்து அச்சிடப்பட்டிருக்கும் என்றும் ரிசர்வ் வங்கி கவர்னர் உர்ஜித் பட்டேல் கையெழுத்து மற்றும் 2017 என ஆண்டும் அதில் இடம்பெறும் என்றும் தகவல்கள் வெளிவந்துள்ளது.