‘పవర్ స్టార్’లో వర్మ పవన్‌ను సీఎంని చేస్తారట..
- IndiaGlitz, [Tuesday,July 07 2020]
పవన్ కల్యాణ్ బయోపిక్‌ను ‘పవర్ స్టార్’ పేరుతో వర్మ తెరకెక్కించనున్న విషయం తెలిసిందే. దీని కోసం అచ్చం పవన్‌లా ఉండే వ్యక్తిని కూడా వర్మ ఎంపిక చేసుకున్నారు. అతని పేరు చల్లకోటి నరేష్. భద్రాచలం పట్టణానికి చెందిన వ్యక్తి. పవన్‌కు సంబంధించిన సన్నివేశాలతో వీడియోలు చేసి నరేష్ టిక్‌టాక్‌ స్టార్ అయిపోయాడు. అయితే స్వతహాగా పవన్‌కు అభిమాని అయిన నరేష్.. ఆయనకు యాంటీగా తెరకెక్కిస్తున్న ఈ సినిమాలో నటించేందుకు ఎలా ఒప్పుకున్నాడా? అని అంతా తొలుత భావించారు.
అయితే ఈ అనుమానాలకు కాస్త క్లారిటీ వచ్చేసింది. నరేష్‌కు ఈ సినిమాను పవన్‌కు అనుకూలంగా తీస్తున్నట్టు చెప్పి వర్మ ఒప్పించారట. పవన్‌ను ఈ చిత్రంలో ముఖ్యమంత్రిగా చూపిస్తున్నామని.. వచ్చే ఎన్నికల్లో పవన్ కీలకంగా మారుతాడు అని చెప్పి నరేష్‌ని వర్మ ఒప్పించారని తెలుస్తోంది. అసలే వర్మకు మాట మీద నిలబడరనే పేరు ఉండనే ఉంది. మరి నరేష్‌కు ఇచ్చిన ఈ మాటను నిలబెట్టుకుంటారో.. లేదంటే తూచ్ అనేస్తారో వేచి చూడాలి.