close
Choose your channels
Kaatrin Mozhi

'தளபதி' படத்துடன் மோதும் 'தல' ரசிகரின் படம்

Wednesday, September 5, 2018 • தமிழ் Comments

தளபதி விஜய் நடித்து வரும் 'சர்கார்' திரைப்படம் வரும் தீபாவளி அன்று வெளியிட அனைத்து முயற்சிகளையும் படக்குழுவினர் எடுத்து வருகின்றனர். எனவே இந்த படம் விஜய் ரசிகர்களுக்கு தீபாவளி விருந்தாக வருவது கிட்டத்தட்ட உறுதியாகிவிட்டது. இந்த நிலையில் இதே தீபாவளி தினத்தில் தனுஷின் 'எனை நோக்கி பாயும்  தோட்டா' படமும் வெளிவரவுள்ளதாக இன்று மறைமுகமாக அறிவிக்கப்பட்டுள்ளது என்பதை ஏற்கனவே பார்த்தோம்

இந்த நிலையில் தல அஜித்தின் வெறித்தனமான ரசிகரும், பிரபல தயாரிப்பாளருமான ஆர்.கே.சுரேஷ் நடித்த 'பில்லா பாண்டி' திரைப்படமும் வரும் தீபாவளி அன்று திரைக்கு வரவுள்ளதாக அதிகாரபூர்வமாக அறிவிக்கப்பட்டுள்ளது. முதலில் அஜித்தின் 'விஸ்வாசம்' தீபாவளிக்கு வெளியிட திட்டமிடப்பட்டிருந்தது. ஆனால் கோலிவுட் ஸ்டிரைக் காரணமாக படப்பிடிப்பு தாமதம் ஆனதால் அந்த படம் பொங்கலுக்கு வெளியாகவுள்ளது. தற்போது 'தல' படத்திற்கு பதிலாக 'தல' ரசிகரின் படம் வெளியாவதால் இந்த படத்திற்கு தல ரசிகர்கள் ஆதரவு கொடுப்பார்கள் என்று எதிர்பார்க்கப்படுகிறது.

ஆர்.கே.சுரேஷ், சாந்தினி, இந்துஜா உள்பட பலர் நடித்துள்ள 'பில்லா பாண்டி' படத்திற்கு இளையவன் இசையமைத்துள்ளார். ராஜ்சேதுபதி இந்த படத்தை இயக்கியுள்ளார்.