ఒకే ఒక సాంగ్ తో 'రోబో' సీక్వెల్
- IndiaGlitz, [Monday,October 31 2016]
సూప‌ర్ స్టార్ ర‌జనీకాంత్, శంకర్, అక్ష‌య్‌కుమార్,ఎమీజాక్స‌న్‌ కాంబినేష‌న్‌లో రూపొందుతోన్న భారీ చిత్రం 2.0 సీక్వెల్ ఆఫ్ రోబో. 300 కోట్లకు పైగా భారీ బ‌డ్జెట్‌తో లైకా ప్రొడ‌క్ష‌న్స్ ఈ చిత్రాన్ని రూపొందిస్తుంది. హై బ‌డ్జెట్‌, హై టెక్నిక‌ల్ వాల్యూస్‌తో తెర‌కెక్కుతోన్న ఈ సినిమాను వ‌చ్చే ఏడాది అక్టోబ‌ర్ 19న విడుద‌ల చేస్తార‌ని వార్త‌లు విన‌ప‌డుతున్నాయి. 2010లో విడుద‌లై స‌న్సేష‌న్ క్రియేట్ చేసిన రోబోను మించేలా సినిమాను డైరెక్ట్ చేస్తున్నాడు శంకర్. అక్ష‌య్‌కుమార్ ఈ చిత్రంలో విల‌న్‌గా న‌టిస్తున్నాడు. ఈ సినిమా ఫ‌స్ట్‌లుక్‌ను న‌వంబ‌ర్ 20న విడుద‌ల చేస్తున్నారని, టీజ‌ర్‌ణు సంక్రాంతికి విడుద‌ల చేస్తార‌ని అంటున్నారు.
ఈ చిత్రంలో కేవ‌లం ఓ పాట మాత్ర‌మే ఉంటుంద‌నే వార్త‌లు హ‌ల్ చ‌ల్ చేస్తున్నాయి. సాధారణంగా ఇండియ‌న్ సినిమా ఆల్బ‌మ్‌లో ఐదారు సాంగ్స్ ఉంటాయి. కానీ 2.0లో కేవ‌లం ఒక పాట మాత్ర‌మే ఉంటుంద‌ట. ఆ పాటను ఉక్రెయిన్‌లో చిత్రీక‌రించార‌ట. మ‌రి ఈ పాటను శంకర్ ఏ రేంజ్‌లో చేశారో చూడాలంటే వెయిట్ చేయాల్సిందే....