பவன் கல்யாண் அடுத்த படத்தில் குவியும் கோலிவுட் நட்சத்திரங்கள்
- IndiaGlitz, [Tuesday,March 28 2017]
பவர்ஸ்டார் பவன்கல்யாண் நடித்த 'கட்டமராயுடு' திரைப்படம் தெலுங்கு மாநிலங்களில் மட்டுமின்றி தமிழகத்திலும் நல்ல வசூலை பெற்றது. இந்த ஒரே படத்தின் மூலம் தமிழ் ரசிகர்களின் மனதில் குடிபுகுந்துவிட்ட பவன்கல்யாண், இந்த நிலையை தக்க வைத்து கொள்ள தன்னுடைய அடுத்த படத்தில் தமிழில் புகழ் பெற்ற கலைஞர்களுக்கு அதிக வாய்ப்பு கொடுத்திருப்பதாக கூறப்படுகிறது.
இந்நிலையில் பவன்கல்யாண் நடிக்கவுள்ள அடுத்த படத்தில் தமிழ் ரசிகர்களிடம் புகழ் பெற்ற கீர்த்தி சுரேஷ் நாயகியாகவும், அனிருத் இசையமைப்பாளராகவும் பணிபுரிய ஒப்பந்தமாகியுள்ளனர். இருவரும் கோலிவுட்டில் பிரபலமானவர்கள் என்பதால் இந்த படத்தை பார்க்கும்போது தெலுங்கு டப்பிங் என்ற உணர்வு தெரியாது என்பது குறிப்பிடத்தக்கது.
இந்த நிலையில் இந்த படத்தில் மேலும் ஒரு கோலிவுட் நடிகர் இணைந்துள்ளார். அவர்தான் பிரபல நகைச்சுவை நடிகர் ரோபோ சங்கர். ரோபோ சங்கர் நடித்த ஒருசில படங்களின் தெலுங்கு டப்பிங்களை பார்த்த இயக்குனர் அவரது நடிப்பை பாராட்டியதோடு தற்போது வாய்ப்பும் கொடுத்துள்ளார் என்பது குறிப்பிடத்தக்கது. எனவே ஹீரோ தவிர கிட்டத்தட்ட கோலிவுட் நட்சத்திரங்களே அதிகம் உள்ள இந்த படம் தமிழிலும் வெற்றி பெறும் என்று எதிர்பார்க்கப்படுகிறது.